قومی ٹیم کے کپتان بابراعظم نے محمد نواز سے آخری اوور کروانے کی وجہ بتا دی۔
پاک بھارت سنسنی خیز مقابلے کے بعد پریس کانفرنس کرتے ہوئے بابراعظم نے کہا کہ کوہلی اور پانڈیا کی پارٹنرشپ نے مومنٹم تبدیل کیا انہوں نے پریشر کو اچھے سے ہینڈل کیا اور ہماری کوشش تھی کی شراکت داری کو توڑیں۔
بابراعظم نے کہا کہ اس موقع پر ہم وکٹیں لینا چاہ رہے تھے اس لیے اپنے مین بولرز استعمال کیے تاہم نواز نے بھی بولنگ اچھی کی لیکن نو بال اور وائٹ بال ہو گئی۔
پاکستانی کپتان کا کہنا تھا کہ ویرات کوہلی کی اننگزنے میچ میں کافی فرق ڈالا ہم غلطیوں سے سبق سیکھیں گے، پراعتماد ہوں اور ٹورنامنٹ میں کم بیک کریں گے۔
انہوں نے کہا کہ قریب آکر میچ ہارتے ہیں تو دکھ ہوتا ہے انڈیا نے میچ میں اچھی کرکٹ کھیلی، شاہین انجری کے بعد آیا اس کو تھوڑا وقت دیں۔
قبل ازیں میچ کے اختتام پر بابراعظم نے کہا کہ اس میچ سے ہمیں بہت سی مثبت چیزیں ملیں، افتخار احمد اور شان مسعود نے بہت عمدہ بیٹنگ کی۔
