The news is by your side.

رکی پونٹنگ کے پانچ بہترین کھلاڑیوں میں پاکستانی بھی شامل

سڈنی: سابق آسٹریلوی کپتان رکی پونٹنگ نے ٹی ٹوئنٹی کرکٹ کے ٹاپ پانچ کھلاڑیوں کے نام بتائے ہیں، جس میں قومی ٹیم کے کپتان بھی شامل ہیں۔

آئی سی سی ریویو شو میں سابق آسٹریلوی کپتان پونٹنگ سے ٹی ٹوئنٹی کرکٹ کے پانچ بہترین کھلاڑیوں کو منتخب کرنے کا کہا گیا۔ رکی پونٹنگ نے کہا کہ پانچ کھلاڑیوں کا انتخاب نسبتاً آسان ہیں، لیکن انہیں ایک سے پانچ تک رینکنگ دینا تھوڑا مشکل ہے.

رکی پونٹنگ کے منتخب کردہ پانچ کھلاڑیوں میں کوئی آسٹریلوی کرکٹر شامل نہیں، فہرست میں شامل ٹاپ فائیو کھلاڑیوں میں سے دو کا تعلق بھارت جبکہ پاکستان، افغانستان اور انگلینڈ کا ایک ایک کھلاڑی شامل ہے۔

انہوں نے کہا کہ میری نظر میں راشد خان، بابراعظم، ہاردک پانڈیا، جوز بٹلر اور جسپریت بھمرا ٹی ٹوئنٹی کے ٹاپ پانچ کھلاڑی ہیں۔

سابق آسٹریلوی کپتان نے راشد خان کو ٹی ٹوئنٹی کا نمبر ون اور بابر اعظم کو دوسرا بہترین کھلاڑی قرار دیا۔ رکی پونٹنگ نے بہترین کھلاڑیوں کی فہرست میں ہاردک کو تیسرا، جوز بٹلر کو چوتھا جبکہ جسپریت بھمرا کو پانچواں رینک دیا۔

Comments

یہ بھی پڑھیں