قومی ٹیم کے کپتان بابراعظم اور ایک سال بعد ٹیم میں واپس آنے والے عماد وسیم نیٹ پریکٹس میں آمنے سامنے آئے۔
نیوزی لینڈ کے خلاف ون ڈے اور ٹی ٹوئنٹی سیریز کی تیاریوں کے سلسلے میں لگائے گئے کیمپ میں عمادوسیم اور بابراعظم میں مقابلہ دیکھنے میں آیا۔
نیٹ پریکٹس میں عماد کے ساتھ ساتھ بابر کی جانب سے میچ ونر قرار دیے گئے محمدنواز بھی پریکٹس کرتے نظر آئے۔
Imad Wasim vs Babar Azam 🔥#PAKvNZ #BabarAzam pic.twitter.com/IJFXJzWy3i
— Cricket Pakistan (@cricketpakcompk) April 8, 2023
ایک سال بعد اسکواڈ کا حصہ بننے والے عمادوسیم اور بابر نے خوشگوار موڈ میں پریکٹس کی۔ دونوں کھلاڑیوں میں تلخی کے بعد پہلا موقع ہے کہ عمادوسیم بابر کی کپتانی میں کھیلیں گے۔
ایک انٹرویو میں گفتگو کرتے ہوئے عماد وسیم نے کہا تھا کہ اب بغیر وجہ ڈراپ کیا گیا تو خاموش نہیں بیٹھوں گا۔ انہوں نے کہا کہ ایک سال بلاوجہ ٹیم سے باہر رکھا گیا پوچھنے پر بھی ڈراپ کرنےکی وجہ نہ بتائی گئی لیکن دوبارہ ایسا نہیں ہونے دوں گا اپنی جنگ لڑوں گا۔