پی سی بی منیجمنٹ کمیٹی کے سربراہ نجم سیٹھی کی جانب سے قومی ٹیم کی کپتانی کے متعلق بیان پر سوشل میڈیا پر طوفان آگیا اور صارفین نے بابر اعظم کو اپنی ریڈ لائن قرار دے ڈالا۔
اے آر وائی نیوز کے مطابق پی سی بی منیجمنٹ کمیٹی کے سربراہ نجم سیٹھی کے بابر اعظم کی کپتانی سے متعلق ٹویٹ کے بعد بابر اعظم کو تینوں فارمیٹ کا کپتان برقرار رکھنے کی بحث شروع ہوگئی اور سوشل میڈیا پر اس حوالے سے طوفان کھڑا ہوگیا۔
سوشل میڈیا صارفین کی بڑی تعداد نے نجم سیٹھی کو آڑے ہاتھوں لیتے ہوئے کہا کہ وہ اپنی حد میں رہیں بابر اعظم ہماری ریڈ لائن ہیں۔
Babar Azam’s average as a captain:
76.52 – In ODI
53.25 – In Test
37.54 – In T20IWe rule & we deserve. #BabarAzamIsOurRedLine #StayInYourLimitsNajamSethi pic.twitter.com/CsbCprVj3Z
— Nawaz (@Rnawaz31888) April 10, 2023
نجم سیٹھی نے گزشتہ روز اپنی ٹویٹ میں کہا تھا کہ بابر اعظم کو تینوں فارمیٹ کا کپتان برقرار رکھنے پر بحث جاری ہے لیکن فیصلہ میری صوابدید پر ہے۔ ابتدائی طور پر شاہد آفریدی اور ہارون رشید کی سلیکشن کمیٹی نے قیادت میں تبدیلی کا مشورہ دیا تھا۔
نجم سیٹھی کے اس بیان پر پہلے تو سابق چیف سلیکٹر شاہد آفریدی نے سربراہ پی سی بی کو کرارا جواب دے ڈالا اس کے بعد سوشل میڈیا پر صارفین نے بھی اس معاملے پر ایک طوفان کھڑا کر دیا اور بابر اعظم کے دفاع میں اٹھ کھڑے ہوئے جس کے بعد ٹوئٹر پر ’’بابر اعظم ہماری ریڈ لائن اور نجم سیٹھی حد میں رہو‘‘ ہیش ٹیگ کے ساتھ ٹاپ ٹرینڈ کرنے لگے۔
My is the first batter in the world to score 3 consecutive 100s in odis on two separate occasions ❤️#BabarAzamIsOurRedLine #StayInYourLimitsNajamSethi pic.twitter.com/HayghyK3SB
— Hassan (@HassanAbbasian) April 10, 2023
صارفین نے کہا کہ سیٹھی اپنے ایجنڈے سے بابر اعظم کو دور رکھیں ورنہ آپ کی سوچ سے بھی زیادہ ردعمل آئے گا۔
ایک صارف نے سابق چیئرمین پی سی بی رمیز راجا کی بابر اعظم کو گلے لگانے کی تصویر شیئر کی اور لکھا کہ ہم عمران خان اور رمیز راجا کی واپسی چاہتے ہیں۔
We want Imran Khan and Ramiz Raja Back.#BabarAzamIsOurRedLine#StayInYourLimitsNajamSethi pic.twitter.com/sCStix6hbn
— Fakhruu :^) (@BajwaKehtaHaii) April 10, 2023
کئی صارفین نے بابر اعظم کے بیٹنگ ریکارڈ کے اعداد وشمار شیئر کیے تو کسی نے آئی سی سی اعزازات کے ساتھ تصویر شیئر کی اور کہا کہ دنیا کا بہترین بلے باز اور کپتان بابر اعظم ہے۔
The greatest batsman and captain Pakistan ever produced in history. The name of class, consistency and brilliance THE BIG ONE BABAR AZAM – #StayInYourLimitsNajamSethi#BabarAzamIsOurRedLine pic.twitter.com/lPx4sjvzLD
— (@BabarFanGirl56) April 10, 2023
کسی صارف نے کہا کہ بابر ہمارا کپتان ہے اور رہے گا، یہی ہمیں ورلڈ کپ جتوائے گا۔
اس سے قبل افغانستان سیریز میں شاداب خان کو کپتان بنانے اور پھر بابر اعظم کے حق میں بیان پر نائب کپتانی سے ہٹانے کی بازگشت پر بھی خوب لے دے ہو چکی ہے۔
واضح رہے کہ نجم سیٹھی پہلے بھی ہر فارمیٹ کا الگ کپتان لانے کا اشارہ دے چکے ہیں۔
