قومی کرکٹ ٹیم کے کپتان بابر اعظم نے کہا کہ ہماری دو وکٹیں میچ کا ٹرننگ پوائنٹ ثابت ہوئیں۔
بابر اعظم کا کہنا تھا دوسری اننگز میں بیٹرز نے بھی اچھا مقابلہ کیا، سعود شکیل اور محمد نواز کی وکٹ ہمارے لیے میچ کا ٹرننگ پوائنٹ ثابت ہوئی اس کے علاوہ ٹیل اینڈرز نے بھی اچھا مقابلہ کیا لیکن فنش نہ کر سکے۔
سعود شکیل کے متنازع آؤٹ پر انہوں نے کہا کہ سعود کا آؤٹ ہمیں مہنگا پڑ گیا، ہمیں لگا کہ بال زمین کے ساتھ ٹچ ہوا ہے لیکن امپائر کے فیصلے کو ماننا پڑتا ہے اور امپائر کا فیصلہ آخری فیصلہ ہوتا ہے۔
قومی ٹیم کےکپتان بابر اعظم انگلینڈ کیخلاف دوسرے ٹیسٹ میں شکست پر کہا بلے بازوں کو پرفارم کرنا ہوگا، میچ کا اختتام اچھا نہیں ہوا۔
ابرار احمد کے حوالے سے بابر اعظم کا کہنا تھا اس کا بہت ہی شاندار آغاز ہوا ہے، ابرار نے کنڈیشنز سے فائدہ اٹھاتے ہوئے بہت اچھی بولنگ کی، یہ ٹیسٹ ابرار کے لیے یادگار رہے گا۔
ان کا کہنا تھا ہم سے ٹیسٹ میچ میں غلطیاں ہوئی ہیں، ہم جیت سکتے تھے، ہم آسٹریلیا کے خلاف اور اب پھر اچھا فنش نہیں کر پائے، ہمیں اچھا فنش کرنا چاہیے تھا۔
قومی ٹیم کے کپتان کا کہنا تھا کراچی ٹیسٹ میں اچھا کرنے کی کوشش کریں گے اور کوشش کریں گے کہ جو غلطیاں اس ٹیسٹ میں ہوئیں انہیں نہ دھرایا جائے۔
