قومی ٹیم کے کپتان بابر اعظم نے جنوبی افریقی بلے باز اے بی ڈیولیرز کی ریٹائرمنٹ پر انہیں شاندار الفاظ میں خراج تحسین پیش کیا۔
قومی ٹیم کے کپتان بابر اعظم نے جنوبی افریقی بلے باز اے بی ڈیولیرز کے ساتھ تصویر شیئر کی اور لکھا کہ ’ڈی ویلیرز بچپن سے میرے پسندیدہ کرکٹر رہے ہیں، ہمیشہ ان کے انداز کی کرکٹ سیکھنے کی کوشش کی۔
بابر اعظم نے سابق جنوبی افریقی کپتان کو مخاطب کرتے ہوئے لکھا کہ ’آپ نے کرکٹ کی کئی نسلوں کو متاثر کیا ہے، اب بھی یاد ہے جب پہلی بار ملا تھا تو آپ بڑے والہانہ انداز سے ملے تھے۔
جنوبی افریقا کے جارح مزاج بیٹسمین اے بی ڈی ویلئیرز نے تمام طرز کی کرکٹ سے ریٹائرمنٹ کا اعلان کیا تھا۔
You were my childhood inspiration and I always tried to learn from your charismatic approach. I still remember the first time I met you and how welcoming you were. You have inspired many generations of cricket. Wish you the very best and a happy retirement, @ABdeVilliers17! ❤️ pic.twitter.com/nlqsyW8iSI
— Babar Azam (@babarazam258) November 19, 2021
اے بی ڈی ویلئیرز نے اپنے ٹوئٹ میں کہا تھا کہ اب 37 سال کی عمر میں یہ شعلہ اتنی تیز نہیں جلتا۔
انہوں نے ایک اور ٹوئٹ میں کہا تھا کہ ’میں ٹیم کے ہر کھلاڑی کا شکریہ ادا کرنا چاہوں گا، ہر حریف کا، ہر کوچ، ہر فزیو اور ہر اسٹاف ممبر کا جو اس سفر میں شامل رہے ۔
واضح رہے کہ ڈی ویلئیرز دوہزار اٹھارہ میں انٹرنیشنل کرکٹ سے ریٹائر ہوگئے تھے لیکن وہ مختلف ممالک میں لیگ کرکٹ کھیل رہے تھے۔
