پشاور زلمی کے کپتان بابر اعظم نے محمد عامر کی گیند پر صفر پر آؤٹ ہوکر ناپسندیدہ ریکارڈ بنا دیا۔
راولپنڈی میں کھیلے گئے پی ایس ایل کے دوسرے میچ میں کوئٹہ گلیڈی ایٹرز نے پشاور زلمی کو 80 رنز سے شکست دے دی۔ کوئٹہ گلیڈی ایٹرز کی جانب سے دیے گئے 217 رنز کے تعاقب میں پشاور زلمی کی ٹیم 15.1 اوورز میں 136 رنز پر ڈھیر ہوگئی۔
بابر اعظم کو محمد عامر نے صفر پر پویلین کی راہ دکھائی، محمد حارث 13 اور ٹام کوہلر کیڈمور بغیر کوئی رن بنائے آؤٹ ہوئے۔
PSL 10- پی ایس ایل کی تمام خبریں
کوئٹہ گلیڈی ایٹز کی جانب سے ابرار احمد نے چار کھلاڑیوں کو آؤٹ کیا، عثمان طارق اور محمد عامر نے دو، دو وکٹیں حاصل کیں۔
تاہم بابر اعظم نے صفر پر آؤٹ ہوکر ناپسندیدہ ریکارڈ بنا دیا۔
پی ایس ایل تاریخ میں سب سے زیادہ صفر پر آؤٹ ہونے بیٹرز کی فہرست میں بابر اعظم تیسرے نمبر پر آگئے ہیں۔
View this post on Instagram
اسلام آباد یونائیٹڈ کے عماد وسیم 12 مرتبہ صفر پر آؤٹ ہوئے اور فہرست میں پہلے نمبر پر ہیں، دوسرے نمبر پر وہاب ریاض 10 مرتبہ بغیر کوئی رن بنائے آؤٹ ہوئے۔
بابر اعظم اور کامران اکمل 8 مرتبہ ڈک پر پویلین لوٹے جبکہ شاہین آفریدی 7 مرتبہ کھاتا کھولے بغیر آؤٹ ہوئے۔
