پاکستان کے سابق کپتان بابراعظم کی بطور اوپنر بھی مسلسل ناکامی کے بعد سابق کرکٹرز نے مشورہ دیا ہے کہ انھیں کس نمبر پر کھلانا چاہیے۔
پاکستان کے سابق کرکٹرز محمد حفیظ اور محمد عامر نے بابراعظم کو اوپن کروانے کی فیصلے کو تنقید کا نشانہ بنایا تھا، اب محمد عامر نے پھر میڈیا سے گفتگو کرتے ہوئے کہا ہے کہ جیسا کہ میری طاقت یہ ہے کہ مجھے نئی گیند کے ساتھ باؤلنگ کرنا بہتر لگتا ہے تو مجھے میری اس صلاحیت کے ساتھ استعمال کیا جانا چاہیے۔
محمد عامر نے کہا کہ اسی طرح بابر اعظم کی طاقت نمبر 3 پر بیٹنگ کرنا ہے، وہ وہاں سے اننگز کو اچھی طرح لے کرچلنا جانتے ہیں، ٹی ٹوئنٹی میں اوپنر کا کردار مختلف ہوتا ہے۔ ون ڈے اور ٹیسٹ میں یہ کا کردار مختلف ہوتا ہے۔
انھوں نے کہا کہ
پاکستان کے سابق کپتان بابراعظم نمبر 3 پر کافی بہتر پرفارمنس کا مظاہرہ کرچکے ہیں، جہاں انھوں نے اپنی اننگز کو محتاط انداز میں آگے بڑھایا اور رنز بھی اسکور کرتے ہوئے ٹیم کو استحکام فراہم کیا ہے۔
تاہم چیمپئنزٹرافی سے قبل اوپنر صائم ایوب کے باہر ہونے کے بعد ٹیم انتظامیہ نے انھیں اوپنر کے کردار میں منتخب کیا جس کی بنا پر انھیں پاور پلے میں جارحانہ انداز اپنانے پر مجبور ہونا پڑرہا ہے جو ان کے فطری کھیل سے مطابقت نہیں رکھتا۔
محمد عامر نے مزید کہا کہ بابراعظم ایک بڑے پلیئر ہیں لیکن میرے خیال میں انھیں نمبر 3 پر کھلایا جانا چاہیے تھا یہ ان کی صلاحیت کے حساب سے درست جگہ تھی۔
