بالی وڈ کے مرحوم اداکار عرفان خان کے بیٹے بابل خان نے اپنے والد کے نام جذباتی پیغام جاری کیا ہے۔
بابل خان نے اپنے والد عرفان خان کی تصویر شیئر کی جس میں وہ آٹھویں ایشیئن فلم ایوارڈ کی تقریب میں موجود اپنے ایوارڈ کی طرف دیکھ رہے ہیں۔
اداکارہ بابل خان نے انسٹاگرام پر ایک پوسٹ میں لکھا کہ ’بابا مجھے اور ایان خان کو دیکھتے تھے تو دنیا کو بھول جایا کرتے تھے جیسے دنیا میں کچھ اور ہے ہی نہیں‘۔
اس کے ساتھ بابل خان نے لکھا کہ ’عرفان خان ایک بہترین اداکار ہونے سے بڑھ کر بہترین والد تھے، وہ آنکھیں جو آپ کو دیکھتی ہیں ان کو وہ سب کچھ محسوس ہوتا ہے جو آپ نے روحانی طور پر بیرونی خیالات کے بجائے اندرونی ذرائع سے دریافت کیا تھا۔
عرفان خان کی آخری فلم ’دی سانگ آف اسکورپینز‘ کب ریلیز ہوگی؟ تاریخ سامنے آگئی
اداکار بابل خان نے لکھا کہ میں آج بھی اپنے والد کے اس قہقہے کو یاد کرتا ہوں جو پہلے تو میری خوش کا سبب تھا لیکن اب اداس کر دیتا ہے۔
View this post on Instagram
واضح رہے کہ عرفان خان کے انتقال کو تین سال سے زائد کا عرصہ گزر چکا ہے، ان کے بیٹے بابل خان بھی شوبز کی دنیا میں قدم رکھ چکے ہیں۔
بابل خان کی پہلی فلم ’کلا‘ پچھلے سال پہلے ریلیز ہوئی تھی جس کے بعد انہوں نے کہا تھا کہ ان پر اپنے والد کی فنی میراث کا دباؤ تھا، آج کل بابل خان ویب سیریز ’دی ریلوے مین‘ کے پراجیکٹ پر کام کر رہے ہیں۔
یاد رہے کہ اداکار عرفان خان 29 اپریل 2020 کو بڑی آنت کے کینسر کے باعث 54 برس کی عمر میں انتقال کر گئے تھے۔
عرفان خان کو بھارتی فلم انڈسٹری کا ایسا اداکار مانا جاتا ہے جنہوں نے جو بھی کردار ادا کیا، دیکھنے والوں کو یہی محسوس ہوا کہ وہ صرف ان کے لیے بنا تھا۔