بالی ووڈ کے مرحوم اداکار عرفان خان کی انتقال کے 3 برس بعد بڑے پردے پر واپسی ہو رہی ہے۔ تیسری برسی کے موقع پر ان کی آخری فلم ’دی سانگ آف اسکورپینز‘ ریلیز کرنے کا اعلان کردیا گیا۔
دنیا سے کوچ کرنے سے قبل زندگی کے آخری ایام میں عرفان خان نے اپنی مقبول فلم ’ہندی میڈیم‘ کے سیکوئل ’انگلش میڈیم‘ اور ’دی سانگ آف اسکورپینز‘ کی شوٹنگ کروائی تھی۔
’انگلش میڈیم‘ کو تو عرفان خان کی زندگی میں ہی ریلیز کردیا گیا تھا، تاہم ایرانی اداکارہ گولشفتھ فرحانی کے ساتھ ان کی آخری فلم ’دی سانگ آف اسکورپینز‘ کو ریلیز نہیں کیا گیا تھا۔
ان کی مذکورہ فلم کو اگرچہ متعدد فلم فیسٹیولز میں پیش کیا جا چکا ہے، تاہم اب اداکار کی تیسری برسی پر اسے نمائش کے لیے پیش کرنے کا اعلان کردیا گیا۔
Bringing alive a heart-wrenching tale of love, obsession and betrayal.#TheSongOfScorpions Trailer out now!
Link: https://t.co/b4VVzRuZCo#irrfankhan @golshifteh @SinghAnupsyng @ShashankSArora #WaheedaRehman @tillotamashome @saskia_vischer #GyanShahafpeled #MichelMerkt pic.twitter.com/CCSGnH8zUg— Panorama Studios (@PanoramaMovies) April 19, 2023
فلم کی پروڈکشن کمپنی ’پینوراما اسٹوڈیوز‘ نے اپنی ٹوئٹ میں ’دی سانگ آف اسکورپینز‘ کا ٹریلر شیئر کرتے ہوئے فلم کو 28 اپریل کو ریلیز کرنے کی تصدیق کی۔
اس کے علاوہ فلم کا ٹریلر بھی جاری کردیا گیا ہے فلم کا ٹریلر جاری ہوتے ہوئے ہی مقبول ہوگیا ہے۔ عرفان خان کی آخری فلم کے ٹریلر پر بہت سے لوگوں نے ردعمل کا اظہار کیا کہ عرفان لائف ٹائم اچیومنٹ اور یہ فلم بھی آسکر کی مستحق ہے۔
ٹریلر میں عرفان خان اور گولشفتھ فرحانی کو جوڑی کے طور پر دکھایا گیا ہے۔ فلم کی شوٹنگ بھارت کے صحرائی علاقے میں کی گئی ہے اور اس میں راجستھانی اور گجراتی دیہاتی زندگی اور ثقافت کو دکھایا گیا ہے
یاد رہے کہ مرحوم اداکار عرفان خان 53 برس کی عمر میں 29 اپریل 2020 کو کینسر کے باعث انتقال کر گئے تھے۔
