وکٹ کپیر سرفراز احمد کے گھر بیٹے کی پیدائش
The news is by your side.

Advertisement

وکٹ کپیر سرفراز احمد کے گھر بیٹے کی پیدائش

کراچی: قومی ٹی ٹوئنٹی ٹیم کے کپتان سرفراز احمد کو کپتانی سے بڑا تحفہ مل گیا، اُن کے گھر بیٹے کی پیدائش ہوئی ہے، جس پر بے حد خوش ہیں۔

تفصیلات کے مطابق قومی ٹی ٹوئنٹی کرکٹ ٹیم کے کپتان سرفراز احمد کی گھر دو روز قبل بیٹے کی پیدائش ہوئی، دورہ آسٹریلیا کے دوران والدہ کی علالت کے باعث وطن واپس آنے والے سرفراز احمد کی اہلیہ کو دو روز قبل مقامی اسپتال لے جایا گیا جہاں بیٹے کی پیدائش ہوئی۔

sarfaraz

بیٹے کی پیدائش پر سرفراز احمد بہت خوش ہیں اور انہوں نے اپنے بیٹے کے ہمراہ اپنی ایک تصویر بھی سوشل میڈیا پر شیئر کی ہے۔

یاد رہے اپنی عمدہ کارکردگی سے بہت کم عرصے میں قومی ٹیم میں جگہ بنانے والے کھلاڑی سرفراز احمد نے کئی بار عمدہ بیٹنگ اور وکٹ کیپنگ کا مظاہرہ کرتے ہوئے پاکستان کو فتح دلوائی ہے۔

آسٹریلیا دورے میں بدترین شکست کے بعد کپتان کی تبدیلی کے حوالے سے گردش ہونے والی خبروں کے بعد شاہد آفریدی نے سرفراز کو تینوں فارمیٹ میں کپتانی دینے کی تجویز کرتے ہوئے انہیں فائٹر کا لقب دیا۔ آفریدی کا کہنا تھا کہ پاکستان کو فائٹر کھلاڑی کی ضرورت ہے جو میچ کے دوران پریشر نہ لے اور سرفراز میں یہ صلاحیت موجود ہے۔

Comments

comments

یہ بھی پڑھیں