The news is by your side.

Advertisement

شیر کے چھوٹے سے بچے نے خوف و ہراس پھیلا دیا

نئی دہلی : بھارت میں شیر کے ایک چھوٹے سے بچے نے لوگوں کو خوف میں مبتلا کردیا، کھیت میں شیر کا بچہ دیکھ کر کسان بھاگ کھڑا ہوا۔

بھارتی ریاست اتراکھنڈ کے ضلع کاشی پور میں گزشتہ صبح شیر کا ایک چھوٹا بچہ آنے سے افرا تفری مچ گئی، بھارتی میڈیا کے مطابق کاشی پور کے علاقے کچنال غازی سے ملحقہ گرود وارے کے قریب شیر کا بچہ نظر آنے پر علاقے میں افراتفری مچ گئی۔

لوگوں میں خوف و ہراس کا یہ عالم تھا کہ اپنے گھروں کے دروازے بند کرکے قید ہونے لگے، اسی دوران مقامی باشندوں نے اس کی اطلاع محکمہ جنگلات کو دی۔

مقامی پولیس کے مطابق یہ شیر کا بچہ اچانک کھیت میں نمودار ہوا تھا، جس کو دیکھ وہاں کے کسان نے یہ سوچ کر کہ اس کی ماں بھی کہیں آس پاس ہوگی فوری طور پر محکمہ جنگلات کو اطلاع دی۔

اس کے بعد کاشی پور رینجر نے اپنی ٹیم کے ساتھ پہنچ شیر کے بچے کو پکڑا اور ڈاکٹرز کو دکھایا۔ میڈیا سے گفتگو کرتے ہوئے فاریسٹ آفیسر شاہی نے بتایا کہ یہ بچہ پوری طرح سے صحت مند ہے جس کو اس جگہ پر چھوڑ دیا جائے گا جہاں اس کی والدہ نے اس کو جنم دیا تھا۔

اس کے علاوہ اس بات کی بھی نگرانی کی جائے گی یہ شہری آبادی سے دور رہے، محکمہ جنگلات کی ٹیم اطلاع پر پہنچی اور اس بچے کو اپنے ساتھ لے گئی۔

Comments

یہ بھی پڑھیں