The news is by your side.

Advertisement

ایپل اسٹور لوٹنے والوں کو بڑا دھچکا لگ گیا

واشنگٹن: امریکا میں ایپل اسٹور سے بھاری مالیت کے موبائل فون، لیپ ٹاپ اور دیگر برقی آلات لوٹنے والوں کو اچانک بری خبر نے چونکا دیا، لٹیرے ہکا بکا رہ گئے۔

غیرملکی خبررساں ادارے کی رپورٹ کے مطابق امریکا میں سیاہ فام کی ہلاکت کے بعد پرتشدد مظاہروں کے دوران لٹیروں نے ریاست پنسلوانیا میں قائم ایپل اسٹور لوٹا تھا، جبکہ انتظامیہ نے ایکشن لیتے ہوئے تمام چوری شدہ ڈیوائسز ناکارہ بنا دیے اور بلاک ڈیوائیسز پر انتباہی پیغام بھی جاری کردیا۔

رپورٹ کے مطابق لوٹ مار کا یہ واقعہ پنسلوانیا کے شہر فلاڈیلفیا میں پیش آیا تھا۔ اسٹور انتظامیہ نے ’ڈسپلے ڈیبل‘ پر تمام ڈیمو ڈیوائسز پر خصوصی بلاکنگ سافٹ ویئر انسٹال کر رکھا تھا جس کا استعمال کرتے ہوئے تمام آلات ناکارہ بنا دیے گئے۔ اور انتباہی پیغام میں ڈیوائسز کی واپسی کی اپیل کی گئی ہے۔

پیغام میں یہ الفاظ درج تھے ’براہ مہربانی تمام آلات واپس کردیں جو مکمل طور پر بلاک اور ٹریکڈ کیے جاچکے ہیں، اس ضمن میں مقامی انتظامیہ بھی متحرک ہے‘۔

اسٹور لوٹنے کے واقعے کے بعد تمام ایپل اسٹورز پر اقدامات سخت کردیے گئے ہیں تاکہ شہر میں پرتشدد مظاہروں کے دوران دکانوں کو محفوظ بنایا جاسکے، اسٹورز کی کھڑکیوں اور دروازوں پر خصوصی حصار کے لیے لکڑیاں بھی نصب کی جارہی ہیں۔ واضح رہے کہ اس سے قبل بھی امریکی شہر پورلینڈ، سالٹ لیک سٹی اور واشنگٹن میں اسٹور لوٹے گئے۔

fb-share-icon0
Tweet 20

Comments

comments

یہ بھی پڑھیں