بال ہماری شخصیت کا اہم عنصر ہیں اور گنج پن کا براہ راست اثر ہماری خود اعتمادی پر پڑتا ہے جو احساس کمتری اور ڈپریشن کی صورت میں سامنے آسکتا ہے۔
ویسے بالوں کا جھڑنا کوئی جان لیوا مرض تو نہیں ہے لیکن پھر بھی پریشانی والی بات ضرور ہے جس کے تدارک کیلئے لوگ طرح طرح کے جتن بھی کرتے ہیں۔
اس حوالے سے اے آر وائی ڈیجیٹل کے پروگرام گڈ مارننگ پاکستان میں معروف ہربلسٹ ڈاکٹر عیسیٰ نے گنج پن کے شکار افراد کیلئے ایک نسخہ تجویز کیا ان کا کہنا ہے کہ اس کے استعمال سے سر پر بال اُگنا شروع ہوجائیں گے۔
اس گھریلو نسخے کو تیار کرنے کی تفصیلات بیان کرتے ہوئے انہوں نے اس کے اجزاء بتائے جس میں 100گرام دیسی انڈے کا تیل، 50 گرام کیسٹر آئل اور 25 گرام کالے چنے کا پاؤڈر شامل ہیں۔
ڈاکٹر عیسیٰ نے بتایا کہ ان تمام اجزاء کو دس منٹ تک پکائیں جب وہ تھوڑا سا گاڑھا ہوجائے تو اسے چولہے سے اتار لیں اور ٹھنڈا کرنے کے بعد ایک جار میں رکھ لیں۔
جن افراد کو گنج پن کی شکایت ہے وہ ایک چمچ یہ تیل لے کر نیم گرم کرکے سر کے اس حصے پر لگائیں جہاں سے بال بالکل غائب ہوچکے ہیں، اس کے بعد انگلیوں کی مدد سے دس منٹ تک مساج کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔