The news is by your side.

Advertisement

کوئٹہ: ڈیگاری سانحہ میں نو کان کن جاں بحق، آپریشن ختم

وزیراعلیٰ بلوچستان جام کمال نے ڈیگاری کان حادثےکی تحقیقات کا حکم دے دیا

کوئٹہ: ڈیگاری میں کوئلہ کان میں آپریشن مکمل کرلیا گیا، آخری مزدورکی لاش کان سے نکال لی گئی.

ریسکیو حکام کے مطابق آپریشن کو مکمل کر لیا گیا ہے، بے ہوشی کی حالت میں نکالے جانے3 مزدوردم توڑ گئے.

کان میں پھنسنے 8 مزدور آپریشن ہی کے دوران زندگی کی بازی ہار گئے تھے، صرف 2 کو زندہ بچایا جاسکا.

دونوں بے ہوش مزدوروں کی حالت تشویشناک تھی، جنھیں فوری طور پر سول اسپتال پہنچا دیا گیا. البتہ کچھ دیر بعد ایک زخمی دم توڑ گیا.

مزید پڑھیں: کوئٹہ: ڈیگاری میں کوئلے کی کان میں شارٹ سرکٹ سے آگ، 12 کان کن پھنس گئے

بلوچستان کے دارالحکومت کوئٹہ سے تقریباً سات کلو میٹر دور ڈیگاری کے مقام پر کوئلے کی کان میں شارٹ سرکٹ سے آگ لگ گئی تھی، جس کے بعد کوئلے کی کان میں زہریلی گیس بھر گئی۔ ریسکیو آپریشن کے باوجود واقعے میں نو مزدور دم توڑ گئے.

وزیر اعلیٰ کے احکامات

وزیراعلیٰ بلوچستان جام کمال نے ڈیگاری کان حادثےکی تحقیقات کا حکم دے دیا ہے، محکمہ معدنیات کو3 دن میں رپورٹ پیش کرنے کی ہدایت کی گئی ہے.

وزیر اعلیٰ جام کمال نے کہا ہے کہ کانوں میں حفاظتی اقدامات یقینی بنائے جائیں، حفاظتی اقدامات سے متعلق کان مالکان بھی ذمہ داریاں پوری کریں، تاکہ اس طرح کے نقصان سے بچا جاسکے.

Comments

comments

یہ بھی پڑھیں