The news is by your side.

Advertisement

بلوچستان ایکسی لینس ایوارڈز، ابھرتے ہوئےبلوچستان کی دلکش جھلک

کوئٹہ میں بلوچستان ایکسی لینس ایوارڈز دو ہزار بائیس کے شاندار انعقاد نے ابھرتے ہوئے بلوچستان کی دلکش جھلک دکھادی ہے۔

تفصیلات کے مطابق یوم پاکستان کی مناسبت سے کوئٹہ میں بلوچستان ایکسی لینس ایوارڈز2022 کاشاندار انعقاد کیا گیا، تقریب کے مہمان خصوصی وزیر اعلیٰ بلوچستان عبدالقدوس بزنجو،وزیر کھیل وثقافت،کورکمانڈر کوئٹہ سرفراز علی تھے، اس کے علاوہ سول سوسائٹی اور شعبہ ہائے زندگی سےتعلق رکھنےوالے افراد نے شرکت کی۔

تقریب میں48 افراد کو ان کی خدمات کے اعتراف میں ایوارڈزسےنوازا گیا، ایکسی لینس ایوارڈز کے علاوہ لائف ٹائم اچیومنٹ ایوارڈزبھی دئیے گئے، فن وثقافت،کھیل،تعلیم وتدریس،سائنس اورٹیکنالوجی کےافراد، طب، سماجی خدمت، افواج اور نفاذ قانون کےشعبوں کے افراد بھی شامل تھے۔

تقریب میں بلوچستان پرخصوصی ڈاکیومنٹری بھی دکھائی گئی جبکہ شام میں ہونیوالے دلکش لیزرشو نےناظرین کو محظوظ کیا، بخشی برادرز اور خماریان بینڈ کی دلکش پرفارمنس پر شائقین نے دل کھول کر داد دی، معروف گلوکارعارف بلوچ اورشاہ جہان داؤٴدی نے بھی نغمےپیش کیے جبکہ گل بہاربلوچ اورساتھیوں نےشانداربلوچی رقص پیش کیا۔

اس موقع پر بلوچستان کی ثقافت کےخوشنما اور دلکش رنگوں کا زبردست مظاہرہ کیا گیا، بلوچستان کےآلات موسیقی سےترتیب دیاگیاسازآہنگ لوگوں کوپسندآیا۔

معروف گلوکارعاصم اظہراور گل پانڑہ کی زبردست پرفارمنس نےتقریب کو چارچاندلگائے۔

Comments

یہ بھی پڑھیں