‘لگژری آئٹمز کی امپورٹ پر پابندی سےعام آدمی کو فرق نہیں پڑے گا’

سابق وزیر خزانہ شوکت ترین نے کہا ہے کہ لگژری آئٹمزکی امپورٹ پرپابندی سےعام آدمی کوفرق نہیں پڑے گا۔

حکومت کی جانب سے لگژری اشیا کی درآمد پر پابندی عائد کیے جانے پر ردعمل دیتے ہوئے شوکت ترین نے کہا کہ لگژری آئٹمز کی امپورٹ پر پابندی اچھی بات ہے ہم نےبھی یہ کیاتھا لیکن اس اقدام سے عام آدمی کوفرق نہیں پڑےگا۔

انہوں نے کہا کہ موجودہ حکومت کنفیوژڈہےسمجھ ہی نہیں آرہی کرنا کیا ہےگزشتہ حکومت کی کارکردگی سے متعلق معیشت کے اعداد و شمار آئے ہیں جنہیں دیکھنے کے بعد موجودہ حکومت کومنہ چھپانےکی جگہ نہیں مل رہی۔

ان کا کہنا تھا کہ حکومت ایسی بات کرتےہوئےشرم آنی چاہئے 6 ہفتوں میں معیشت تباہ کردی گئی ہے ہم ڈالر1 82پر چھوڑ گئے تھے آج ڈالر200سےاوپرچلاگیاہے کس منہ سےیہ لوگ بڑی بڑی باتیں کررہےہیں۔

Comments