کراچی :گزشتہ شام اورنگی ٹاؤن میں واقع نجی بینک میں ہونے والی ڈکیتی میں دو ملزمان بینک سے20 لاکھ روپے کی رقم لوٹ کر فرار ہو گئے تھے.
تفصیلات کے مطابق پاکستان بازار تھانے کی حدوداورنگی سیکٹر ساڑھےگیار ہ میں واقع نجی بینک میں ہونے والی ڈکیتی کی سی سی ٹی وی فوٹیج حاصل کر لی گئی.
بینک میں داخل ہونے والے دونوں ملزمان کو سی سی ٹی فوٹیج میں دیکھا جاسکتاہے، دو ملزمان سے ایک نے پینٹ شرٹ اور دوسرے نے شلوار قمیض پہنی ہوئی ہے.
CCTV footage of bank robbery in Orangi town by arynews
پولیس کے مطابق بینک عام عوام کے لیے ساڑھے پانچ بجے بند کردیا گیا تھا،لیکن 6 بجے دو ملزمان بینک آئے اور دروازہ بجایا، سیکورٹی گارڈ نے دروازہ کھول دیا اور ملزمان 20 لاکھ روپے کی رقم لوٹ کر فرار ہوگئے.
پولیس کا کہنا ہے کہ بینک پر ایک ہی سیکورٹی گارڈ تعینات تھا، جس کو پوچھ گچھ کے لیئے حراست میں لے لیا گیا ہے،جبکہ سی سی ٹی وی فوٹیج کی مدد سے دونوں ملزمان کی تلاش بھی شروع کر دی گئی ہے.
0
20
