حج کے درخواست فارموں کے ساتھ حج 2023ء کے واجبات کی وصولی کے لیے مجاز بینکوں کی برانچیں ہفتے اور اتوار کو کھلی رہیں گی۔
اسٹیٹ بینک نے حج کرنے کے خواہش مند افراد کو درخواست فارموں کے ساتھ حج 2023ء کے واجبات جمع کرنے میں سہولت دینے کی غرض سے 14 مجاز بینکوں کو ہدایت کی ہے۔
سرکاری حج پیکج اتنا مہنگا کیوں ہوا؟ تفصیلات سامنے آگئیں
اسٹیٹ بینک نے مجاز بینکوں کو ہدایت کی ہے کہ وہ اپنی نامزد برانچیں25 اور 26 مارچ صبح 9 بجے تا دو پہر 2 بجے تک حج درخواستیں اور واجبات جمع کرنے کےلیے کھلی رکھیں۔
In order to facilitate the intending pilgrims to deposit application forms along with dues for Hajj 2023, #SBP has directed 14 authorized banks to keep all their designated branches open from 9am to 2pm on Saturday and Sunday.https://t.co/rSyimOtoQ8 pic.twitter.com/Bw52rqqZnT
— SBP (@StateBank_Pak) March 24, 2023
حج پالیسی 2023ء کے مطابق وزارت مذہبی امور اور بین المذاہب ہم آہنگی 14 بینکوں نیشنل بینک آف پاکستان، حبیب بینک، یونائیٹڈ بینک، ایم سی بی بینک، الائیڈ بینک، بینک آف پنجاب، بینک الفلاح، زرعی ترقیاتی بینک، فیصل بینک، عسکری بینک، بینک الحبیب، حبیب میٹروپولیٹن بینک، سونیری بینک اور میزان بینک) کو ملک بھر میں حج کے خواہش مند افراد سے 16 مارچ 2023ء تا 31 مارچ 2023ء تک درخواست فارموں کے ساتھ واجبات وصول کرنے کی اجازت دے چکی ہے۔
