پشاور : کالعدم تحریک طالبان پاکستان (ٹی ٹی پی) نے پشاور پولیس لائن کی مسجد پر خودکش حملے کی ذمہ داری قبول کرلی۔
تفصیلات کے مطابق صوبہ خیبرپختونخوا کے دارالحکومت پشاور میں پولیس لائنز کی مسجد میں ہونے والے بم دھماکے میں 83 افراد شہید اور 170 زخمی ہوئے۔
کالعدم تحریک طالبان پاکستان (ٹی ٹی پی) نے پشاور دھماکے کی ذمہ داری قبول کرلی ہے۔
گذشتہ روز پشاور پولیس لائنز کی مسجد میں خودکش دھماکے نے پورے ملک کو ہلا کررکھ دیا ہے۔
دھماکا نماز ظہر کے دوران ہوا، خودکش حملہ آور پہلی صف میں موجود تھا اور نماز کی تکبیرہوتےہی خود کو دھماکےسےاڑالیا، دھماکا اتنا شدید تھا کہ مسجد کاایک حصہ شہید ہوگیا اور قریبی عمارتوں کے شیشے ٹوٹ گئے۔
دھماکے کے وقت مسجد میں تین سو سے چارسو افراد موجودتھے، جن میں زیادہ ترپولیس اہلکارہیں۔
دوسری جانب ملبے تلے دبے مزید افراد کو نکالنے کیلئے ریسکیو آپریشن جاری ہے ، ریسکیوحکام نے بتایا ہے کہ دھماکے میں شہید ڈی ایس پی عرب نواز کا جسدخاکی بھی اسپتال منتقل کردیا گیا ہے۔
