پشاور: بنوں میں سی ٹی ڈی کمپاؤنڈ کے اندر سیکیورٹی اداروں نے کامیاب آپریشن کرتے ہوئے 6 دہشتگردوں کو ہلاک کردیا ہے۔
ذرائع کے مطابق بنوں میں سی ٹی ڈی کمپاؤنڈ کے اندر کامیاب آپریشن کے بعد اس وقت سرچ آپریشن کا عمل جاری ہے، آپریشن کے بعد کمپاؤنڈ کو کلیر کرایا جارہا ہے۔
واضح رہے کہ اتوار کے روز بنوں میں دہشتگردوں نے سی ٹی ڈی کمپاؤنڈ پر حملہ کیا تھا اور اہلکاروں کو یرغمال بنا لیا تھا جس پر سکیورٹی فورسز نے آپریشن شروع کیا تھا۔
- Advertisement -
ذرائع کے مطابق بنوں میں اسکول بند ہیں اور اسپتالوں میں ایمرجنسی نافذ ہے جب کہ علاقے میں موبائل فون سروس بھی مکمل طور پر بند ہے۔
