امیرجماعت اسلامی و صدر الخدمت کراچی حافظ نعیم الرحمان نے الخدمت ”بنو قابل میگا پروجیکٹ“ کے تحت باغ جناح گراؤنڈ میں کراچی کے تعلیم یافتہ طالبات کے لیے آئی ٹی کورسز کے انٹری ٹیسٹ کے موقع پر کہا ہے کہ ٹیسٹ میں پاس ہونیوالے ہر طالبہ کو فری اسکالرشپ دیں گے۔
حافظ نعیم الرحمان نے کہا کہ الخدمت کا بنو قابل پروگرام اپنے یوتھ کو ان پاور کرنے اور آگے بڑھانے کے لیے ہے آپ سب کو مبارکباد پیش کرتا ہوں کہ اتنی بڑی تعداد میں کراچی کی بیٹیاں یہاں موجود ہیں کراچی: وہ سارے لوگ جو قوم کو جاہل بنانا چاہتے ہیں، ان سب کو کراچی کی بیٹیوں نے مزار قائد پرجمع ہوکر پیغام دے دیا ہے کہ ہم علم کی روشنی میں آگے بڑھیں گی۔
انہوں نے کہا کہ الخدمت کا بنوقابل پروجیکٹ،فری اسکالر شپ اور ملازمت کا پورا نظام موجود ہے ملک کی تمام حکومتی جماعتیں 75سال کا کام جمع کرلیں اور آج کی طالبات کا عزم ایک جگہ ہے جماعت اسلامی کراچی کے نوجوان لڑکے اور لڑکیوں کے لیے پڑھا نا چاہتی ہے حکومت کی طرف سے صرف دو کالجز موجود ہیں، 326ارب روپے کا تعلیمی بجٹ ہے، پری انجینئرنگ میں کوئی بھی طالب علم پاس نہیں ہوسکا۔
امیر جماعت اسلامی نے کہا کہ کراچی کے ٹیکسوں کے پیسوں سے کراچی کابجٹ بنتا ہے جو کراچی کے عوام پر خرچ نہیں ہوتا آج کا تاریخی ایپٹیی ٹیوٹ ٹیسٹ پیغام ہے کہ ہم پڑھانے کے ساتھ ساتھ حساب بھی مانگیں گے کراچی کے لڑکے اور لڑکیاں ان حکمرانوں سے پوچھیں گے کہ کیوں ہمیں جاہل بناتے ہوں اس ریاست کی ذمہ داری ہے کہ کراچی کے بچوں اور بچیوں کو تعلیم دے ہم انتظار نہیں کریں گے، ہم نے طے کرلیا ہے کہ کراچی کے بچوں اور بچیوں کو پڑھائیں گے اور آگے بڑھائیں گے۔
انہوں نے اعلان کیا کہ کراچی کے طلبہ و طالبات کو پڑھانے کے ساتھ ساتھ انٹری ٹیسٹ میں پاس ہونے والے ہر طالبہ کو فری اسکالر شپ دیں گے کراچی میں جماعت اسلامی کا میئر آئے گا تو کراچی میں ماڈل اسکولز بنائیں گے اور آئی ٹی کی اسکالر شپ شروع کریں گے جماعت اسلامی کا میئر آئے گا تو فائل پھینک کر نہیں جائے گا جتنے اختیارات ہوں گے اس سے بڑھ کر کام کرے گا۔
