نیویارک : امریکی اولمپیئن ا بتہاج محمد سے متاثرہو کر پہلی بار باربی ڈول بنانے والی کمپنی نے با حجاب باربی متعارف کرا دی۔
تفصیلات کے مطابق امریکہ میں بچوں کی پسندیدہ گڑیا باربی ڈول کو نئے اندز میں پیش کیا گیا لیکن باربی ڈول بنانے والی کمپنی نے امریکی شمشیر زن اولمپین ابتہاج محمد سے متاثر ہوکر باحجاب ماڈل گڑیا تیار کرلی۔
یہ گڑیا اکتیس سالہ با حجاب امریکی شمشیر زن ابتہاج محمد کی شکل کی بنائی گئی ہے، جنھوں نے گذشتہ سال ریو میں کانسی کا تمغہ جیتا تھا۔
ابتہاج پہلی امریکی کھلاڑی ہیں، جنھوں نے حجاب پہن کر اولمپک میں شرکت کی تھی۔
شمشیر زنی کا لباس زیب تن کیے، ہاتھوں میں ننھی تلوارتھامے چہرے پر حجاب لگائے اس ننھی گڑیا کی رونمائی ابتہاج محمد کے ہاتھوں کرائی گئی ۔
مستقبل میں کمپنی کا رادہ ہے کہ وہ ایسی خواتین کے عکس پر مزید گڑیا بنائیں گے جو انتہائی متاثرکن اور انسپریشنل ہیں۔
باربی ڈول ان خواتین کے اعزاز میں بنائی جاتی ہے، جنھوں نے سرحدوں کو بالائے طاق رکھ کر مختلف غیر روایتی شعبوں میں نمایاں کارنامے انجام دیے۔
میٹل کارپوریشن کے مطابق یہ گڑیا آئندہ برس آن لائن فروخت کے لیے دستیاب ہوگی۔
