راولپنڈی: چیئرمین پی ٹی آئی بیرسٹر گوہر نے بانی پی ٹی آئی کی رہائی کے حوالے سے بڑا دعویٰ کردیا۔
تفصیلات کے مطابق چیئرمین پی ٹی آئی بیرسٹر گوہراور ولیداقبال بانی پی ٹی آئی سےملاقات کیلئےاڈیالہ جیل پہنچے۔
بیرسٹرگوہر خان نے اڈیالہ جیل کے باہر میڈیا سے گفتگو کرتے ہوئے کہا کہ شیر افضل مروت کا کوئی ایشو نہیں، شوکازجاری کیاگیاتھا، انھوں نے شو کاز نوٹس کا جواب دیدیا، شیر افضل مروت کا ایشو پارٹی کا اندرونی معاملہ ہے۔
بیرسٹرگوہر نے بتایا کہ بانی پی ٹی آئی سے ملاقات پر رکاوٹیں کھڑی کی جاتی ہیں، بانی پی ٹی آئی ایک ڈیڑھ ماہ میں رہاہوجائیں گے، ایک کیس میں ضمانت ہوچکی ،2کیسز رہتے ہیں۔
اس سے قبل سیسن عدالت کے باہر میڈیا سے گفتگو کرتے ہوئے چیئرمین پی ٹی آئی نے کہا تھا کہ سیاسی انتقام میں ہم پر کیسز بنائے گئے، اس لئے ریلیف مل رہا ہے، عدلیہ آزاد ہے، صحیح فیصلے کرے گی۔
ان کا کہنا تھا کہ مولانافضل الرحمان سے بات چیت جاری ہے،جلد ہمارے اتحاد کا حصہ ہونگے۔
