ویسے تو آپ نے قدرت کے حسین شاہکار اور بے شمار قسم کے خوبصورت پرندے دیکھے ہوں گے جنہیں دیکھ کر بے اختیار بنانے والے کی تخلیق کیلیے تعریفی کلمات زباں سے ادا ہوجاتے ہیں۔
ان ہی میں ایک پرندہ کبوتر بھی ہے جس کی بے انتہا خوبصورت نسلیں ہمارے مشاہدے میں آتی ہیں، دنیا میں کبوتروں کی ایک ایسی نسل بھی ہے جو دیکھنے میں عجیب الخلقت لگتی ہے، لیکن ہے بہت خوبصورت اور بھی ایسی کہ جس پر نظر ٹھہر جائے۔
جی ہاں !! غیرمعمولی لمبی ٹانگوں والا انگلش پاؤٹر نامی کبوتر جسمانی خدوخال کی بنا پر دنیا بھر میں مشہور ہے۔ یہ غیرمعمولی لمبی ٹانگوں اور پھولے ہوئے جسم والا عجیب و غریب کبوتر ہے۔
@staytunednbc 1-year-old English Pouter #pigeon goes viral for having legs for days. He’s just one out of a larger collection in #Israel ♬ Original sound – •*jersiraye*•
منفرد خدوخال والا یہ کبوتر اپنے سینے کو غبارے کی طرح پھلا لیتا ہے۔ یہ اپنے سینے پر ہوا بھر کا سینے کو غبارے جیسا پھلالیتا ہے۔ یہ تبدیل شدہ پرندہ ’انگلش پاؤٹر‘ نامی کبوتروں سے تعلق رکھتا ہے جوعام پائے جاتے ہیں، تاہم اس نسل کے پرندے کچھ تبدیل شدہ یا میوٹنٹ ہیں۔
انگلش پاؤٹر کی کہانی بھی کچھ عجیب ہے کیونکہ اسے برطانوی حیاتیاتی ماہرولیم برنارٹ ٹیگے میئر نے ڈچ کاپر اور فارسی کبوتروں کے ملاپ سے کبوتروں کی یہ نسل پیدا کی تھی۔ آج دنیا میں یہ سب سے بلند قامت اور عجیب و غریب کبوتر بھی کہلاتے ہیں۔
