The news is by your side.

Advertisement

رانا ثنا کی گرفتاری کے بعد پہلی تصویر سامنے آ گئی

لاہور: سابق وزیر قانون پنجاب اور اے این ایف کے ہاتھوں منشیات اسمگلنگ کیس میں گرفتار ایم این اے رانا ثنا اللہ کی گرفتاری کے بعد پہلی تصویر منظر عام پر آ گئی۔

تفصیلات کے مطابق پاکستان مسلم لیگ ن کے رہنما کی اینٹی نارکوٹکس فورس کے ہاتھوں گرفتاری کے بعد سلاخوں کے پیچھے پہلی تصویر سامنے آ گئی۔

تصویر میں دیکھا جا سکتا ہے کہ رانا ثنا کیمپ جیل لاہور میں سلاخوں کے پیچھے کھڑے ہیں۔

خیال رہے کہ رانا ثنا منشیات کیس میں 14 روزہ جوڈیشل ریمانڈ پر ہیں، دو دن قبل رانا ثنا کو ضلع کچہری میں جوڈیشل مجسٹریٹ کے سامنے پیش کیا گیا تھا۔

عدالت نے رانا ثنا اللہ سمیت 6 ملزمان کو 16 جولائی کو پیش کرنے کی ہدایت بھی کی ہے۔

یہ بھی پڑھیں:  منشیات برآمدگی کا الزام :عدالت نے رانا ثنا اللہ کو 14 روزہ جوڈیشل ریمانڈ پر جیل بھجوا دیا

اینٹی نارکوٹکس فورس کی جانب سے رانا ثنا اللہ کے خلاف درج مقدمے میں کہا گیا ہے رانا ثنا اللہ کی گاڑی سے 21 کلو سے زائد منشیات برآمد ہوئی، برآمد منشیات میں 15 کلو ہیروئن بھی شامل ہے، روکنے پر رانا ثنا اللہ نے اہل کاروں کے ساتھ ہاتھا پائی کی۔

اے این ایف ذرایع کے مطابق گرفتار اسمگلر نے دوران تفتیش رانا ثنا اللہ کا منشیات اسمگلنگ میں معاونت کا انکشاف کیا تھا۔

Comments

comments

یہ بھی پڑھیں