بیجنگ: چین کے دارالحکومت بیجنگ میں جدید تاریخ کی طویل ترین سرد لہر نے شہر کو سرد جہنم بنا دیا ہے۔
غیر ملکی میڈیا رپورٹس کے مطابق بیجنگ میں برف باری کا 7 دہائیوں کو ریکارڈ ٹوٹ گیا، چین کے مختلف حصوں میں درجہ حرارت منفی 40 ڈگری تک گر گیا۔
بیجنگ نے دسمبر 1951 کا زیرو درجہ حرارت کا ریکارڈ توڑ دیا، چین میں انیس سو اکیاون میں درجہ حرارت کا ریکارڈ رکھنے کا آغاز ہوا تھا، تب سے اب تک شہر میں اتنی طویل سردی کبھی نہیں دیکھی گئی۔
سردی کی لہر نے ملک بھر کو اپنی لپیٹ میں لے لیا ہے اور اس کے نتیجے میں برفانی طوفان کے سبب درجہ حرارت تاریخی کم ترین سطح پر پہنچ گیا ہے۔ چین کے شمالی اور شمال مشرقی حصوں میں درجہ حرارت منفی چالیس ڈرگری تک گر گیا، اور چین کے بعض حصوں میں سردی کی لہر آرکٹیک ریجن سے بھی زیادہ تیز ہے۔
VIDEO: Visitors to a section of the Great Wall in Badaling on the outskirts of Beijing are faced with biting winds and freezing cold weather conditions.
Temperatures have plunged in China’s capital over the past few days, bringing the city’s first snowfall of the winter season pic.twitter.com/g9lLi7C5rw
— AFP News Agency (@AFP) December 18, 2023
بیجنگ ڈیلی کے مطابق 11 دسمبر کو درجہ حرارت پہلی بار صفر ڈگری سے نیچے گرا تھا، اس کے بعد درجہ حرارت 300 گھنٹے سے زیادہ نقطہ انجماد سے نیچے ہی رہا، دارالحکومت بیجنگ میں مسلسل 9 دن درجہ حرارت منفی 10 ڈگری سینٹی گریڈ سے نیچے رہا، چین کے مرکزی صوبے حنان میں کئی سسٹمز فیل ہو گئے ہیں، اسپتالوں، اسکولوں اور رہائشی عمارتوں کو حرارتی وسائل کی فراہمی میں مشکلات پیش آ رہی ہیں۔
