غزہ کے جنوبی شہر رفح پر اسرائیل کی وحشیانہ بمباری میں بیلجیئم کا امدادی کارکن اپنے 7 سال بیٹے سمیت ہلاک ہو گیا۔
ترقیاتی تعاون اور شہری پالیسی کی وزیر کیرولین گینز کا کہنا ہے کہ اسرائیلی فورسز نے جنوبی غزہ کے شہر رفح میں ایک حملے میں بیلجیئم کے ایک امدادی کارکن اور اس کے سات سالہ بیٹے کو ہلاک کر دیا۔
انہوں نے ایکس پر لکھا کہ یہ انتہائی دکھ کے ساتھ ہے کہ مجھے اطلاع ملی کہ کل رات اسرائیلی بمباری سے ہمارا ایک کارکن ہلاک ہو گیا۔ انہوں نے مزید کہا کہ عبداللہ نبھان اور اس کا 7 سالہ بیٹا جمال رفح پر حملے میں مارے گئے۔
It is with great sadness that I was informed that last night one of our @Enabel_belgium staff was killed by an Israeli bombardment.
Abdallah Nabhan and his 7-year-old son Jamal were killed in an attack on Rafah.https://t.co/O1mHdBddfw
— Caroline Gennez (@carogennez) April 25, 2024
غزہ کی پٹی کے دیگر حصوں سے بے گھر ہونے والے فلسطینیوں سمیت تقریباً 25 افراد رہائش پذیر ایک عمارت پر حملے سے کم از کم سات افراد مارے گئے تھے۔
اسرائیلی حملے میں بیلجیئم کے ترقیاتی ادارے اینابیل کے ایک ملازم اور اس کے بیٹے کی ہلاکت کے بعد وزیر خارجہ حدجہ لہبیب نے اسرائیل کے سفیر کو طلب کیا ہے۔
لہبیب نے کہا کہ شہری علاقوں اور آبادیوں پر بمباری بین الاقوامی قوانین کے منافی ہے میں اس ناقابل قبول فعل کی مذمت کے لیے اسرائیلی سفیر کو طلب کروں گی اور وضاحت طلب کروں گی۔
