ڈرہم: انگلش ٹیسٹ ٹیم کے کپتان اور آل راؤنڈر بین اسٹوکس نے اپنے آخری ایک روزہ میچ کی کیپ اپنے ننھے مداح کو دے دی ہے۔
انگلش ٹیم کے آل راؤنڈر بین اسٹوکس نے چند روز قبل ون ڈے کرکٹ سے اچانک ریٹائرمنٹ کا اعلان کردیا تھا، ان کا کہنا تھا کہ وہ ساؤتھ افریقا کے خلاف اپنا آخری ون ڈے میچ کھیلیں گے۔
آل راؤنڈر کیرئیر کا آخری ایک روزہ میچ اپنے لیے تو یادگار نہ بناسکے لیکن ایک ننھے کرکٹ فین کیلئے ضرور یادگار بناگئے۔ بین اسٹوکس نے میچ کے اختتام پر اپنی ون ڈے کیپ ننھے فین کو دی، کرکٹر نے یہ کیپ گراؤنڈ سے باہر آتے ہوئے مداح کے سپرد کی۔
A class act until the end 🙌@benstokes38 gave his final cap to this young lad as he walked off the pitch!#ENGvSA pic.twitter.com/MXzDx7EUaX
— England's Barmy Army 🏴🎺 (@TheBarmyArmy) July 19, 2022
بین اسٹوکس کے اس عمل کو سوشل میڈیا پر کافی پزیرائی مل رہی ہے اور صارفین دلچسپ تبصرے بھی کررہے ہیں۔
خیال رہے کہ انگلش ٹیسٹ ٹیم کے کپتان اپنے آخری میچ میں صرف 5 رنز بناسکے تھے جبکہ بالنگ میں بھی ان کی خوب پٹائی لگی اور پانچ اوورز میں انہوں نے 44 رنز دیے۔
