آپ جانتے ہوں گے کہ اسٹرابیری کے اپنے فائدے ہیں لیکن کیا آپ یہ بھی جانتے ہیں کہ اسٹرابیری سے ملنے والے فوائد کو دگنا کیسے کیا جا سکتا ہے؟
اسٹرابیری غذائیت سے بھرپور پھل ہے، ایک پیالی اسٹرابیری میں صرف 49 کیلوریز ہوتی ہیں جس کا مطلب یہ ہے کہ یہ وزن کم کرنے والوں کے لیے مفید پھل ہے۔
اسٹرابیری وٹامن سی کا بہترین ذریعہ ہیں جو مدافعتی نظام اور جلد کی صحت کے لیے بہت ضروری ہے۔ اسٹرابیری غذائی ریشے کا اچھا ذریعہ ہے جو ہاضمے میں مدد کرتی ہے اور آنتوں کی صحت کو برقرار رکھنے میں معاون ہوتی ہے، ان کا کم گلیسیمک انڈیکس انھیں شوگر کے مریضوں کے لیے فائدہ مند بناتا ہے۔ اسٹرابیری میں موجود اینٹی آکسیڈنٹس کی زیادہ مقدار دماغی صحت کے لیے بھی فائدہ مند ثابت ہوتی ہے، یہ مرکبات آکسیڈیٹیو تناؤ اور سوزش کا مقابلہ کرنے میں مدد کرتے ہیں، جن سے سیکھنے اور یاد رکھنے کے عمل میں بہتری آتی ہے۔
دہی کے ساتھ استعمال
اگر اسٹرابیری کو دہی کے ساتھ ملا کر کھایا جائے تو اس کے فوائد میں اضافہ ہو جاتا ہے، اسٹرابیری میں موجود وٹامن سی، ہڈیوں کی صحت کے لیے ضروری دہی سے کیلشیم کے انجذاب کو بڑھا دیتا ہے۔ دہی پروبائیوٹکس سے بھرپور ہے، جس سے آنتوں کی صحت بہتر ہوتی ہے، اور جب اسٹرابیری کے غذائی ریشہ کے ساتھ دہی ملتا ہے تو نظام ہاضمہ تیز ہو جاتا ہے، جس سے وزن کم کرنے میں مدد ملتی ہے۔
تہوار پر تل اور گڑ سے بنی اشیا سے متعلق ماہرین کا حیران کن بیان
اسٹرابیری میں کیلوریز کم اور پانی اور فائبر زیادہ ہوتے ہیں، جب کہ دہی میں پروٹین کی مقدار زیادہ ہوتی ہے، جس سے پیٹ بھرے ہونے کا احساس ہوتا ہے اور انسان زیادہ کھانے سے بچ جاتا ہے۔
سبزیوں اور پھلوں کے چھلکوں کے انمول فوائد
اسٹرابیری میں موجود اینٹی آکسیڈنٹس، جیسے اینتھوسیاننز اور ایلیجک ایسڈ، دہی میں موجود پروبائیوٹکس کی سوزش مخالف خصوصیات کے ساتھ مل کر مدافعتی نظام کو مزید مضبوط بناتے ہیں اور مختلف بیماریوں سے بچاتے ہیں۔
یہ دونوں مل کر جلد کی صحت کے لیے بھی بہت فائدہ مند ہیں، کیوں کہ اسٹرابیری میں موجود وٹامن سی اور دہی میں موجود کلچرز خلیات کی صفائی اور نشوونما میں مدد کرتے ہیں۔
