The news is by your side.

Advertisement

برمودا ٹرائی اینگل کا سفر، کمپنی نے مسافروں کو بڑی پیش کش کر دی

برمودا ٹرائی اینگل کے سفر کے لیے کروز کمپنی نے مسافروں کو بڑی پیش کش کر دی ہے، کمپنی کا کہنا ہے کہ اگر بحری جہاز برمودا کے تکون میں غائب ہو جاتا ہے تو تمام مسافروں کو ان کے ٹکٹس کی رقم پوری واپس کر دی جائے گی۔

تفصیلات کے مطابق برمودا ٹرائی اینگل کروز کمپنی نے جہاز سمندر میں غائب ہونے کی صورت میں تمام مسافروں کو مکمل رقم کی واپسی کی پیشکش کر دی ہے، جن مسافروں نے برمودا ٹرائی اینگل کے سفر کے لیے کروز بک کرایا ہے، ان سے کہا جا رہا ہے کہ اگر جہاز سمندر میں غائب ہو جاتا ہے تو انھیں ٹکٹ کی رقم واپس مل جائے گی۔

واضح رہے کہ یہ کسی اور جگہ کی بات نہیں ہو رہی بلکہ برمودا ٹرائی اینگل ہی کی بات ہو رہی ہے، یہ تکونی علاقہ امریکا کے جنوب مشرقی ساحل پر بحر اوقیانوس میں برمودا، فلوریڈا اور پورٹو ریکو کے درمیان واقع ہے، یہ شیطان کی مثلث کے نام سے بھی جانا جاتا ہے، اس علاقے میں بہت سے بحری جہاز اور ہوائی جہاز پراسرار طور پر غائب ہونے کی اطلاع ہے۔

کئی دہائیوں سے، برمودا تکون کے اسرار نے بحری جہازوں، ہوائی جہازوں اور لوگوں کی غیر واضح گمشدگی کے ساتھ انسانی تخیل کو اپنی گرفت میں لے رکھا ہے، اس پس منظر میں کروز کی طرف سے یہ پیش کش بالکل عجیب لگتی ہے، لیکن ٹکٹ خریدنے والوں کی کوئی کمی نہیں ہے۔

دی مرر کی رپورٹ کے مطابق نیو یارک سے برمودا جانے والی نارویجن پرائما لائنر کے ساتھ چھٹیاں منانے والے مسافر دو دن کے سفر پر کیبن کے لیے ایک ہزار 450 پاؤنڈز (سوا لاکھ روپے سے زائد) خرچ کر رہے ہیں، اور منتظمین نے ان سے کہا ہے کہ اگر یہ دیوہیکل جہاز ٹرائی اینگل میں غائب ہو جاتا ہے، جہاں سیکڑوں کشتیاں اور ہوائی جہاز غائب ہو چکے ہیں، تو انھیں پریشان ہونے کی ضرورت نہیں، انھیں ٹکٹ کی رقم پوری واپس کر دی جائے گی۔

Comments

یہ بھی پڑھیں