بھارت میں لائیو شو کے دوران گولی لگنے سے بھوجپوری لوک گلوکارہ نیشا اپادھیے گولی لگنے سے زخمی ہوگئیں۔
بھارتی میڈیا رپورٹس کے مطابق ریاست بہار میں ثقافتی پروگرام کے دوران گلوکارہ پرفارم کررہی تھیں کہ وہاں موجود لوگوں کی جانب سے خوشی میں فائرنگ کی جس کے نتیجے میں گولی گلوکارہ کو آ لگی۔
ڈاکٹروں نے گلوکارہ نیشا اپادھیے کی حالت خطرے سے باہر قرار دی ہے۔
واقعے کے بعد نیشا کو طبی امداد کے لیے اسپتال منتقل کیا گیا جہاں ڈاکٹرز کا کہنا ہے کہ ان کی ٹانگ میں گولی لگی ہے تاہم خطرے کی کوئی بات نہیں ہے۔
भोजपुरी गायिका निशा उपाध्याय को स्टेज पर लगी गोली, देखिए विडियो!@jantatalkies_ @patrakaarsuman #bhojpurisong #bhojpuri #trendingnow #video #nishaupadhyay #stageshow #BigBreaking #bhojpurivideo#bhojpuri pic.twitter.com/uvMpmGP8cg
— Janta Talkies (@jantatalkies_) May 31, 2023
پولیس کا کہنا ہے کہ ہمیں فائرنگ کے واقعے کی اطلاعات ہیں تاہم ابھی تک کوئی شکایت موصول نہیں ہوئی، تحقیقات کی جائے گی کہ فائرنگ کیوں کی گئی اور اس میں کون کون ملوث تھا۔
نیشا اپادھیے سارن ضلع کے گور بسنت گاؤں کی رہائشی ہیں اور وہ اکثر مختلف ثقافتی پروگراموں میں پرفارم کرتی رہتی ہیں۔
