امریکی صدر جوبائیڈن نے اسرائیلی وزیراعظم نیتن یاہو سے سخت ناراضی کا اظہار ہے لیکن غزہ پالیسی میں کوئی تبدیلی نہیں کی۔
امریکی آؤٹ لیٹ این بی سی نیوز نے گمنام ذرائع کا حوالہ دیتے ہوئے بتایا کہ بائیڈن نیتن یاہو سے مایوس ہو گئے ہیں اور نجی گفتگو میں ان سے ناراضی کا اظہار کیا ہے۔
حالیہ ہفتوں میں متعدد میڈیا رپورٹس میں بتایا گیا ہے کہ امریکی صدر کا اسرائیلی وزیراعظم کے ساتھ دو ریاستی حل کو مسترد کرنے پر صبر کا پیمانہ لبریز ہو رہا ہے۔
اس طرح کی مایوسی کے نتیجے میں غزہ میں اسرائیل کی جنگ کے لیے واشنگٹن کی حمایت میں کمی واقع ہوئی ہے جس کا زیادہ تر انحصار امریکہ کے فراہم کردہ ہتھیاروں پر ہے۔
امریکہ نے بین الاقوامی فورمز پر اسرائیل کو سفارتی حمایت کی پیشکش بھی کی ہے۔
بائیڈن، جو جنگ کے لیے اپنی حمایت پر ترقی پسندوں اور عرب امریکی گروپوں کی تنقید کا سامنا کر رہے ہیں اسرائیل کے لیے کم از کم 14 بلین ڈالر کی اضافی امداد حاصل کرنے کے لیے کانگریس کے ساتھ مل کر کام کر رہے ہیں۔
گزشتہ روز امریکی صدر نے نیتن یاہو سے ٹیلیفونک گفتگو کی تھی۔ وائٹ ہاؤس نے اسرائیلی وزیر اعظم بنجمن نیتن یاہو کے ساتھ صدر جو بائیڈن کی کال کے بعد بیان جاری کیا جس میں امریکا نے اس بات کا اعادہ کیا ہے کہ "رفح میں فوجی آپریشن کسی قابل اعتماد اور قابل عمل منصوبے کے بغیر آگے نہیں بڑھنا چاہیے تاکہ لوگوں کی حفاظت کو یقینی بنایا جا سکے۔
بیان کے مطابق بائیڈن نے "تمام مغویوں کی جلد از جلد رہائی کو محفوظ بنانے کے لیے مذاکرات میں ہونے والی پیش رفت سے فائدہ اٹھانے کی ضرورت” پر زور دیا۔
نیتن یاہو نے کال سے پہلے کہا تھا کہ انہوں نے بائیڈن کے ساتھ بات نہیں کی کیونکہ امریکی صدر نے کہا تھا کہ اسرائیل غزہ میں اپنی کارروائیوں سے "اوپر” چلا گیا ہے۔
