واشنگٹن : امریکہ کے صدر جوبائیڈن ٹوئٹر کے مالک ایلن مسک سے ناراضگی کا اظہار کیا ہے، ان کا کہنا ہے کہ ٹوئٹر پوری دنیا میں جھوٹ پھیلانے کا سبب ہے۔
تفصیلات کے مطابق امریکی صدر جو بائیڈن نے سماجی رابطے کی ویب سائٹ ٹوئٹر کو خریدنے والے ایلن مسک پر کڑی تنقید کرتے ہوئے کہا ہے کہ مائیکرو بلاگنگ پلیٹ فارم دنیا بھر میں جھوٹ پھیلاتا ہے۔
غیرملکی خبر رساں ادارے کی رپورٹ کے مطابق یہ بات جوبائیڈن نے گزشتہ روز شکاگو میں فنڈ ریزنگ کی ایک تقریب کے دوران گفتگو کرتے ہوئے کہی۔
ان کا کہنا تھا کہ ہم سب اس بارے میں فکرمند ہیں کہ ایلن مسک نے ایک ایسا ادارہ (ٹوئٹر) خریدا ہے، جو دنیا بھر میں جھوٹ پھیلاتا ہے۔ امریکہ میں اب کوئی ایڈیٹر نہیں ہے۔، ہم کیسے یہ امید کریں کہ نئی نسل کو یہ سمجھنے کی اہلیت ہوگی کہ یہ ان کیلئے کتنا بڑا خطرہ ہے؟
دوسری جانب 40سے زائد اداروں کے سربراہان کے گروپ نے ٹوئٹر کے سب سے بڑے 20 اشتہار دہندگان کو ٹوئٹر کی فنڈنگ کو روکنے کے لیے ایک کھلا خط بھیجا ہے، جس میں دعویٰ کیا گیا ہے کہ یہ ادارہ(ٹوئٹر) نفرت اور غلط تشہیر پھیلانے کا بڑا سبب ہے۔
Again, to be crystal clear, Twitter’s strong commitment to content moderation remains absolutely unchanged.
In fact, we have actually seen hateful speech at times this week decline *below* our prior norms, contrary to what you may read in the press.
— Elon Musk (@elonmusk) November 4, 2022
علاوہ ازیں ٹیسلا کے سی ای او ایلون مسک نے جمعہ کے روز کیے گئے اپنے ٹوئٹ میں لکھا ہے کہ ٹوئٹر کسی بھی چیز کے بارے میں درست معلومات کو سنسر نہیں کرے گا۔