صدر بائیڈن کی ٹرمپ پر کڑی تنقید

فلوریڈا: امریکا میں کانگریس پر حملے کی تحقیقات جاری ہیں، صدر بائیڈن نے سابق صدر ڈونلڈ ٹرمپ کو کڑی تنقید کا نشانہ بنایا ہے۔

امریکی میڈیا کے مطابق 6 جنوری کو کانگریس پر حملے پر قائم خصوصی کمیٹی کی تحقیقات آخری مراحل میں داخل ہو گئی ہیں۔

فلوریڈا میں جاری سیاہ فام پولیس افسران کی کانفرنس سے صدر بائیڈن نے ورچوئل خطاب کرتے ہوئے سابق صدر پر تنقید کرتے ہوئے کہا ٹرمپ نے 6 جنوری کو کانگریس پر حملہ روکنے کے لیے کچھ نہیں کیا۔

صدر بائیڈن کا کہنا تھا کہ چھ جنوری کو قانون نافذ کرنے والے اداروں نے جمہوریت کا تحفظ کیا، لیکن ہارا ہوا صدر 3 گھنٹے تک ٹی وی پر کانگریس پر حملے کے مناظر ہی دیکھتا رہا۔

امریکی صدر نے کہا کہ بغاوت کی حمایت کرنے والا کبھی جمہوریت کا حامی نہیں ہو سکتا۔

Comments