پاکستان اسٹاک میں بڑی مندی، 63 ہزار پوائنٹس کی نفسیاتی سطح بھی گر گئی

کراچی: پاکستان اسٹاک مارکیٹ کو بڑی مندی کا سامنا ہے، 63 ہزار پوائنٹس کی نفسیاتی سطح بھی گر گئی۔

تفصیلات کے مطابق پاکستان اسٹاک مارکیٹ میں آج بھی مسلسل مندی کا رجحان ہے، 100 انڈیکس تریسٹھ ہزار کی نفسیاتی حد سے بھی نیچے آ گیا ہے۔

اسٹاک مارکیٹ 2 ہزار815 پوائنٹس کمی کے بعد 62 ہزار 389 پوائنٹس پر ٹریڈ کر رہا ہے، ماہرین کا کہنا ہے کہ بڑے بروکروں نے تقریباً 42 ارب روپے تک ادھار پر حصص خرید رکھے ہیں جو گزشتہ روز کم ہو کر تقریبا 39 ارب روپے پر آ چکا ہے۔

اسٹاک مارکیٹ میں بڑے انسٹی ٹیوشن کی جانب سے حصص کی فروخت جاری ہے، جس سے مارکیٹ میں مندی نظر آ رہی ہے۔

Comments