The news is by your side.

Advertisement

عالمی سطح پر بہت بڑی تبدیلیوں کا امکان ہے،شاہ محمود قریشی

اسلام آباد: وزیر خارجہ شاہ محمود قریشی کا کہنا ہے کہ عالمی سطح پر بہت بڑی تبدیلیوں کا امکان ہے۔

تفصیلات کے مطابق اے آروائی نیوز کے پروگرام الیونتھ آور میں گفتگو کرتے ہوئے وزیر خارجہ شاہ محمود قریشی نے کہا کہ کرونا وائرس دنیا کو کس طرف لے جائےگی ہمیں وہم وگمان نہیں۔

شاہ محمود قریشی کا کہنا تھا کہ عالمی سطح پر تیل کی قیمتیں اس حد تک گر جانا حیران کن ہے،تیل کی قیمت گرنے سے ہمیں کسی حد تک سہارا ملےگا۔انہوں نے کہا کہ تیل کی قیمتیں گرنے سے یقیناً عوام کو ریلیف ملےگا۔

کرونا وائرس سے متعلق وزیر خارجہ نے کہا کہ دنیابھر میں بے روزگاری میں اضافہ ہوا،اسٹاک مارکیٹس گریں،امریکا میں بھی کرونا کی تباہ کاریاں جاری ہیں،کرونا وبا کی وجہ سے دنیا ایک مالی بحران کی طرف بڑھ رہی ہے۔

وزیر خارجہ کا کہنا تھا کہ ترقی پذیر ممالک کے قرض سے متعلق ہم نے مطالبہ کیا تھا،ترقی یافتہ ممالک اور عالمی اداروں نے ہمارے مطالبے پر توجہ دی۔

انہوں نے کہا کہ عالمی مارکیٹ میں تیل کی قیمتیں گرنے سے مہنگائی کم ہوگی،تیل کی قیمتیں گرنے سے ٹرانسپورٹ قیمت کی مد میں کمی ہوگی۔شاہ محمود قریشی کا مزید کہنا تھا کہ عالمی سطح پر بہت بڑی تبدیلیوں کا امکان ہے۔

Comments

یہ بھی پڑھیں