The news is by your side.

Advertisement

ابوظہبی کے لئے بڑا دن، تیل کے وسیع ذخائر دریافت

ابوظہبی: معدنی وسائل سے مالا مال متحدہ عرب امارات کے لئے اچھی خبر یہ ہے کہ سپریم پٹرولیم کونسل نے معدنی تیل سے متعلق نئی دریافت کا اعلان کردیا ہے۔

بین الاقوامی میڈیا رپورٹ کے مطابق ابوظہبی کی سپریم پٹرولیم کونسل (ایس پی سی) کی جانب سے اعلان کیا گیا ہے کہ ابوظہبی کی امارت میں غیر روایتی قابل حصول تیل کے نئے بائیس ارب بیرل کے ذخائر دریافت ہوئے ہیں جو کہ آن شور ذخائر ہیں جبکہ امارت کے روایتی تیل کے ذخائر میں بھی دو ارب بیرل کا اضافہ ہوا ہے۔

ایس پی سی کی جانب سے معدنی تیل کے ان نئے ذخائر کی دریافت کا اعلان ایک ورچوئل اجلاس میں کیا گیا جو کہ ابوظہبی کے ولی عہد ، متحدہ عرب امارات کی مسلح افواج کے نائب سپریم کمانڈر اور ایس پی سی کے ڈپٹی چیئرمین عزت مآب شیخ محمد بن زاید النہیان کی زیر صدارت ہوا۔یاد رہے کہ ابوظہبی میں پہٹرول کی سپریم کونسل 1988 میں قائم ہوئی تھی۔ یہ ریاست ابوظہبی میں تیل امور کا سب سے بڑا ادارہ ہے یہی ابوظبی کی تیل پالیسی مقرر کرتا ہے۔

یہ بھی پڑھیں:  کوویڈ19 ویکسین خام تیل پر بھی اثر انداز، مگر کیسے؟

علاوہ ازیں ’ادنوک‘ کی مجلس انتظامیہ کی ترجمانی کا اختیار بھی اسی کو حاصل ہے، ابوظہبی کی نیشنل پہٹرولیم کمپنی ’ادنوک‘ 1971ءمیں قائم ہوئی تھی۔ اس کا مقصد پہٹرول اور گیس کے تمام شعبوں کے امور نمٹانا ہیں۔

ادنوک کمپنی یومیہ 27 لاکھ بیرل تیل سے زیادہ کی پیداوار کی نگراں ہے۔ اس کی بدولت یہ پوری دنیا میں تیل اور گیس کی 10 بڑی کمپنیوں میں شمار کی جاتی ہے۔

Comments

یہ بھی پڑھیں