ملک میں سونے کی قیمت میں گزشتہ روز ہونے والی کمی کے بعد آج فی تولہ سونے کی قیمت میں بڑا اضافہ دیکھنے کو ملا۔

آل پاکستان جیمز اینڈ جیولرز ایسوسی ایشن کے جاری کردہ بیان میں کہا گیا ہے کہ ملک میں فی تولہ سونے کی قیمت 1300 روپے بڑھ کر 2 لاکھ 21 ہزار 500 روپے پر پہنچ گئی۔

ایسوسی ایشن کے بیان کے مطابق پاکستان میں 10 گرام سونے کی قیمت 1115 روپے بڑھ کر ایک لاکھ 89 ہزار 901 روپے ہو گئی ہے۔

بین الاقوامی مارکیٹ میں سونے کی قیمت 4 ڈالر کم ہوکر 1932 ڈالر فی اونس ہوگئی۔

واضح رہے کہ گزشتہ روز فی تولہ سونے کی قیمت میں 2800 روپے کی بڑی کمی واقع ہوئی تھی۔ جس کے بعد فی تولہ سونے کا بھاؤ 2 لاکھ 20 ہزار 200 روپے ہوگیا تھا۔ جمعرات کے روز دس گرام سونے کا بھاؤ 2401 روپے کم ہو کر 188786 روپے ہوگیا تھا۔