مہنگائی کی چکی میں پسی عوام کے لیے بُری خبر ہے کہ پیٹرول کے بعد ایل پی جی کی قیمت بھی بڑھا دی گئی۔
اوگرا نے اکتوبر کیلئے ایل پی جی کی قیمت میں اضافہ کر دیا جس کا باقاعدہ نوٹیفکیشن جاری کر دیا گیا ہے۔ ایل پی جی کی فی کلو قیمت میں 29روپے10پیسے اضافہ کیا گیا ہے۔
ایل پی جی کا 11.8کلو کا گھریلو سلنڈر 343 روپے 38 پیسے مہنگا ہو گیا ہے۔ اضافے کے بعد نئی قیمتوں کا اطلاق یکم اکتوبر سے ہوگا۔
- Advertisement -
گھریلوسلنڈرکی نئی قیمت 2403 روپے 55 پیسے مقرر کی گئی ہے۔ ستمبر میں ایل پی جی کا گھریلو سلنڈر 2020 روپے17 پیسےکا تھا۔
دوسری جانب حکومت نے پیٹرول کی فی لیٹر قیمت میں چار روپے اضافے کا نوٹی فکیشن جاری کردیا۔
نوٹی فکیشن کے مطابق یکم اکتوبر سے فی لیٹر پیٹرول چار روپے مہنگا ملے گا جبکہ ہائی اسپیڈ ڈیزل کی قیمت میں بھی دو روپے اضافہ کیا گیا ہے۔
