The news is by your side.

Advertisement

وزیراعلی پنجاب کی ہدایت پر آکسیجن پلانٹس لگانے کا بڑا منصوبہ

لاہور: وزیراعلی پنجاب سردار عثمان بزدار کی ہدایت پر صوبہ بھر میں آکسیجن پلانٹس لگانے کا منصوبہ حتمی مراحل میں داخل ہوگیا۔

تفصیلات کے مطابق سیکرٹری پرائمری اینڈ سکینڈری ہیلتھ کیئر کی زیر صدارت اجلاس ہوا جس میں آکسیجن پلانٹس لگانے کے منصوبے کے اہم مندرجات پر غور کیا گیا۔اجلاس میں بتایا گیا کہ صوبہ بھر میں سپلائی کے لیے 8 اضلاع میں آکسیجن پلانٹس لگانے کا ابتدائی منصوبہ تیاری کے حتمی مراحل میں داخل ہوگیا ہے۔

سیکرٹری پرائمری اینڈ سکینڈری ہیلتھ کیئر نے بتایا کہ 10 آکسیجن پلانٹس کی روزانہ 100سلنڈر آکسیجن پیداوار کی صلاحیت ہوگی، ماہانہ 30 ہزار آکسیجن سلنڈر صوبہ بھر کی 125 ڈی ایچ کیو اور ٹی ایچ کیو کی ضرورت پوری کر سکے گا۔

کیپٹن (ر) محمد عثمان کا کہنا تھا کہ گزشتہ چار سالوں میں سالانہ اوسطاََ 124549 سلنڈر، کل چار سال میں 498198 آکسیجن سلنڈر استعمال ہوئے۔انہوں نے بتایا کہ ساوتھ پنجاب میں آکسیجن پلانٹس لگانے کے لیے وہاڑی، مظفر گڑھ، ڈی جی خان اور لیہ کے اضلاع زیر غور ہیں۔

سیکرٹری پرائمری اینڈ سکینڈری ہیلتھ کیئر کے مطابق سینٹرل پنجاب میں اوکاڑہ، ٹوبہ ٹیک سنگھ، مرید کے جہلم اور حافظ آباد کے اضلاع زیر غور ہیں۔

انہوں نے بتایا کہ آئندہ 10 سال میں اپنے آکسیجن پلانٹس لگانے سے تقریبا 3.81بلین خرچ آئے گا، 10سال کے لیے مارکیٹ سے آکسیجن خریداری کا تخمینہ خرچ تقریبا 11.50بلین ہوگا۔

کیپٹن (ر) محمد عثمان کا کہنا تھا کہ حکومت پنجاب کے اپنے آکسیجن پلانٹس لگانے سے دس سال میں 8 بلین کی بچت ہوگی۔انہوں نے بتایا کہ بچت کے ساتھ ساتھ پیدا کی گئی آکسیجن کا معیار بھی بازار کی نسبت بہتر ہوگا۔

سیکرٹری پرائمری اینڈ سکینڈری ہیلتھ کیئر کا مزید کہنا تھا کہ منصوبہ بندی مکمل کر کے حتمی پلان کابینہ میں منظوری کے لیے پیش کی جائے گا۔

fb-share-icon0
Tweet 20

Comments

comments

یہ بھی پڑھیں