The news is by your side.

Advertisement

دنیا کا سب سے بڑا “رول” کھانے والے کیلیے بھاری بھرکم انعام، ویڈیو دیکھیں

نئی دہلی : بھارت میں ایک رول فروش نے دنیا کا سب سے بڑا رول بنانے کا دعویٰ کرتے ہوئے اس کو کھانے والے کیلئے بڑے انعام کا اعلان کیا ہے۔

اس ہیوی سائز رول کی تیاری کیلئے اس نے کتنے اجزاء استعمال کیے اور اس رول کا سائز کیا ہے اسے جان کر آپ حیران رہ جائیں گے۔

بھارتی دارالحکومت نئی دہلی میں 30 انڈوں اور نوڈلز سے بنے رول کو صرف 20 منٹ میں ختم کرنے پر بھاری بھرکم معاوضہ انعام کے طور پر دیا جائے گا۔

بھارتی میڈیا رپورٹس کے مطابق نئی دہلی کے بازار میں موجود ایک ٹھیلے والے نے دنیا کا سب سے بڑا 10 کلو کا “کاٹھی رول” بنایا ہے۔

دہلی کے علاقے ماڈل ٹاؤن تھری میں ایک ریڑھی والے نے اپنے 10 کلو کے رول کو 20 منٹ میں ختم کرنے پر 20 ہزار کا معاوضہ بطور انعام رکھا ہے لیکن شرط ہے کہ یہ رول 20 منٹ کے اندر ختم کرنا ہوگا۔

اس رول میں 30 انڈوں، نوڈلز اور مختلف اقسام کی چٹنیوں کا استعمال کیا گیا ہے، اس رول کو بنانے والے کا دعویٰ ہے کہ اسے ایک وقت میں کوئی نہیں کھا سکتا، اس رول کو 20 منٹ میں ختم کرنا ایک چیلنج ہے۔

اس رول کے بنانے والے کی جانب سے یہ کھلا چیلنج رکھا گیا ہے جو چاہے اس چیلنج کو قبول کرتے ہوئے اسے 20 منٹ کے اندر اگر ختم کر لیتا ہے تو اسے 20 ہزار کا انعام دیا جائے گا۔

Comments

یہ بھی پڑھیں