اسلام آباد : وزیر مملکت برائے کرپٹو بلال بن ثاقب نے امریکی صدر ڈونلڈ ٹرمپ کے مشیر بوہائن سے ملاقات میں کرپٹو اور ڈیجیٹل اثاثوں کے فروغ کی کوششوں سے آگاہ کردیا۔
تفصیلات کے مطابق وزیر مملکت برائے کرپٹو بلال بن ثاقب کی امریکی صدر ڈونلڈ ٹرمپ کے مشیربرائے کرپٹو بوہائن سے ملاقات ہوئی۔
ملاقات میں بلال بن ثاقب نے پاکستان میں کرپٹو ،ڈیجیٹل اثاثوں کے فروغ کی کوششوں سےآگاہ کیا۔
ملاقات میں پاکستان اور امریکا میں ڈیجیٹل اثاثوں کے فروخت کیلئے تعاون پر تبادلہ خیال کیا گیا۔
اعلامیے میں کہا گیا بوہائن کرپٹو اور ڈیجیٹل اثاثوں کے لئےامریکی صدر ڈونلڈٹرمپ کے مشیر ہیں۔
مزید پڑھیں : پاکستان نے پہلے سرکاری حمایت یافتہ بٹ کوائن ریزرو کا اعلان کردیا
وزیر مملکت برائے کرپٹو نےلاس ویگس میں بٹ کوائن کانفرنس میں پاکستانی حکمت عملی سے آگاہ کرتے ہوئے کہا کہ پاکستان بٹ کوائن کے ذخائر قائم کرنے والا پہلا ایشیائی ملک بنناچاہتا ہے۔
ان کا کہنا تھا کہ بٹ کوائن کیلئے انفراسٹرکچر کرپٹو مائننگ اور آرٹیفیشل انٹیلی جنس زون بنانا چاہتے ہیں، پاکستان ڈیجیٹل اثاثوں کے لئے جدید ریگولیٹری فریم ورک بنانا چاہتا ہے۔
یہ ملاقات لاس ویگاس میں بٹ کوائن 2025 کانفرنس میں پاکستان کی جانب سے اپنے ’اسٹریٹجک بٹ کوائن ریزرو (ایس بی آر)‘ کے اعلان کے بعد ہوئی، جس کے نتیجے میں پاکستان ایشیا کے ان اولین ممالک میں شامل ہوگیا ہے ، جنہوں نے اپنی خودمختار اثاثہ حکمت عملی میں بٹ کوائن کو شامل کیا ہے۔
