گلوکار بلال سعید نے دوران کنسرٹ منچلوں پر مائیک سے وار کیا جس کی ویڈیو بھی سوشل میڈیا پر گردش کررہی ہے، تاہم اب بلال سعید نے اس حوالے سے وضاحت دی ہے کہ انہوں نے ایسا کیوں کیا؟
گلوکار بلال سعید کا ایکس (سابقہ ٹوئٹر) پر جاری پوسٹ میں کہنا تھا کہ اسٹیج ہمیشہ میرے لیے ایک کُل کائنات کی حیثیت رکھتا ہے، پرفارم کرتے ہوئے میں نے ہمیشہ مکمل اور زندہ دل محسوس کیا ہے کیونکہ اس دوران میں اپنی بیماری، تناؤ، پریشانیوں کو سائیڈ پر رکھ دیتا ہوں۔
بلال سعید نے بتایا کہ جب میں اپنے چاہنے والوں کے لئے پرفارم کرتا ہوں تو میں سب کچھ پیچھے چھوڑ دیتا ہوں۔گلوکار کا کہنا تھا کہ میں اپنے مداحوں سے پیار کرتا ہوں اور بعض اوقات یہ محبت یکطرفہ بھی ہوسکتی ہے۔
The stage has always been my whole world l; I have always felt the most complete and the most alive while performing! I forget my sickness, stress, worries- I leave everything behind when I perform for my fans.
And no matter what,nothing should have come in the way of me and the…— Bilal Saeed (@Bilalsaeedmusic) January 26, 2024
بلال سعید نے کہا کہ پرفارمنس کے دوران اسٹیج مجھ سے احترام کا تقاضہ کرتا ہے اور اس چیز پر میں کبھی بھی کوئی سمجھوتہ نہیں کرسکتا۔ انہوں نے کہا کہ اسٹیج کا احترام مجھ سمیت ہر ایک پر لازم ہے۔
بلال سعید کا کہنا تھا کہ یقینی طور پر یہ واقعہ پہلی بار نہیں ہوا کہ کنسرٹ کے شرکاء میں سے کوئی بدتمیزی کررہا ہو لیکن یقینی طور پر پر میرا یہ ردعمل پہلی بار تھا جو نہیں ہونا چاہئے تھا۔
یاد رہے کہ بلال سعید کی سوشل میڈیا پر ایک ویڈیو وائرل ہورہی ہے جس میں وہ پرفارمنس دے رہے ہیں کہ اچانک غصے میں آکر مائیک کو حاظرین کی جانب کھینچ کر مار دیتے اور گانا ادھورا چھوڑ کر چلے جاتے ہیں۔
بلال سعید نے کنسرٹ کے دوران مداحوں کو مائیک دے مارا
سوشل میڈیا پر گلوکار کے اس اقدام کو کنسرٹ میں شریک ایک شخص نے شہرت حاصل کرنے کا ایک طریقہ قرار دیا۔
