اسلام آباد : امریکی سائفر سے پردہ اٹھانے والے امریکہ میں تعینات سابق پاکستانی سفیر اسد مجید کیخلاف تحقیقات پر مریم نواز اور بلاول بھٹو آمنے سامنے آگئے۔
تفصیلات کے مطابق امریکی سائفر سے پردہ اٹھانے والے امریکہ میں تعینات سابق پاکستانی سفیر اسد مجید پر مریم نواز اور بلاول بھٹو تقسیم ہوگئے۔
مریم نواز نے سفیر کو قصور وار اور بلاول بھٹو نے بے قصور قرار دے دیا۔
وزیرخارجہ بلاول بھٹو نے کہا کہ غلطی عمران خان کی ہے، سزا اسد مجید کوکیوں دی جائے ،وہ اپنی ذمہ داری پوری کررہےتھے ،انہیں سزا دینا مناسب نہیں۔
دوسری جانب مسلم لیگ ن کی نائب صدر مریم نواز نے مطالبہ کیا ہے ایک اعلیٰ سطحی جی آئی ٹی بناکر اس وقت کے سفیراسد مجید اور دیگر کے خلاف تحقیقات کی جائے۔
خیال رہے حکومت نے امریکی سائفر پر عمران خان کے خلاف کارروائی کا فیصلہ کیا ہے۔
وزیرقانون اعظم نذیر تارڑ کا کہنا تھا کہ عمران خان نے ملکی مفاد سے خطرناک کھیل کھیلا، ایسےمراسلےروٹین میں آتے ہیں اور وزارت خارجہ جواب دیتا ہے۔
