چیئرمین پی پی نے آئینی ترامیم سے متعلق پی پی پی کا مسودہ ٹوئٹ میں شیئر کردیا، 26ویں آئینی ترمیم بہتر بنانے کیلئے عوام سے بھی تجاویز مانگ لیں۔
پاکستان پیپلز پارٹی کے چیئرمین بلاول بھٹو زرداری نے اپنی ٹوئٹ میں کہا کہ ہم ایک وفاقی آئینی عدالت کے قیام کی تجویز دیتے ہیں، آئینی عدالت میں تمام وفاقی اکائیوں کی مساوی نمائندگی ہو، آئینی عدالت بنیادی حقوق، آئینی تشریح سے متعلق مسائل حل کریگی۔
بلاول بھٹو نے کہا کہ آئینی عدالت وفاقی و بین الصوبائی تنازعات سے متعلق تمام مسائل حل کریگی، تجویز ہے ججز کی تقرری کا عمل، جو ججوں کے ذریعے ہوتا ہے ختم کیا جائے۔
چیئرمین پیپلز پارٹی نے اپنی ٹوئٹ میں مزید کہا کہ ججز تقرری میں پارلیمنٹ، عدلیہ اور قانونی برادری کے مساوی کردار کے قائل ہیں۔
انھوں نے کہا کہ پی پی نے اپنامسودہ کچھ مہینے قبل حکومت کے ساتھ شیئر کیا، سیاسی جماعتوں، بار ایسوسی ایشنوں اور سول سوسائٹی سے رابطے کررہے ہیں۔
بلاول بھٹو نے کہا کہ اپوزیشن کی سیاسی جماعت جے یو آئی کے ساتھ مفید مذاکرات جاری ہیں، مشترکہ مسودہ ترمیم پاس کرنے کیلئے سیاسی جماعتوں کے وسیع تر اتفاق رائے کی بنیاد بن سکتا ہے۔
