The news is by your side.

Advertisement

پنجاب شریفستان بن چکا ہے، بلاول بھٹو زرداری

کراچی: پیپلز پارٹی کے چیئرمین بلاول بھٹو زرداری نے لیگی حکومت کو ایک بار پھر تنقید کا نشانہ بناڈالا، ان کا کہنا ہے کہ واضح ہوگیا کہ پنجاب میں جمہوریت نہیں،پنجاب شریفستان بن چکا ہے، کسان دہشت گرد نہیں انہیں انصاف دیا جائے۔

یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی۔

ٹوئٹر پیغام میں بلاول زرداری نے نواز لیگ پر تنقید کے تیر برسائے اور کسانوں کے مطالبات کی حمایت کرتے ہوئے بلاول بھٹو نے احتجاج کرنے والے کسانوں کو پیغام بھی دے دیا۔

بلاول نے علامہ اقبال کا شعرٹوئٹ کرتے ہوئے لکھا کہ

’’ جس کھیت سے دہقان کو میسر نہ ہو روزی
اس کھیت کے ہر خوشہ گندم کو جلادو‘‘

بلاول بھٹو زرداری نے کہا کہ احتجاج کرنےوالے کسان ہیں دہشت گرد نہیں، شریف خاندان دوسروں کے جمہوری حقوق کا احترام نہیں کرسکتا۔ ان کا کہنا تھا کہ شریف برادران خود کو بچانے کے لیےجمہوریت کے پیچھے چھپتے ہیں، شریف خاندان دوسروں کے جمہور ی حقوق کا خیال نہیں رکھتا ۔

ایک اور ٹوئٹ میں بلاول نےکہا کہ واضح ہوگیا پنجاب میں جمہوریت نہیں، پنجاب شریفستان بن چکا ہے۔

بھارت کی جنگی جارحیت کے حوالے سے انہوں نے مزید کہا کہ غیر ریاستی عناصر جو بھی کر رہے ہیں ،میڈ یا جو بھی چاہتا ہے اور سیاست دان جو بھی کہہ رہے ہیں اس سے کوئی فرق نہیں پڑتا کیونکہ بھارت اور پاکستان کے عوام امن چاہتے ہیں۔

Print Friendly, PDF & Email

Comments

comments

یہ بھی پڑھیں