چیئرمین پیپلزپارٹی بلاول بھٹو زرداری نے وزیراعظم شہباز شریف کی ملاقات کی دعوت قبول کرلی۔
اے آر وائی نیوز کے مطابق وزیراعظم شہباز شریف نے بلاول بھٹو کو فون کیا اور عید کی مبارکباد پیش کی، انہوں نے بلاول کو عید کے بعد وزیراعظم ہاؤس میں ملاقات کی دعوت دی۔
ذرائع کا بتانا ہے کہ بلاول بھٹو نے وزیراعظم کی ملاقات کی دعوت قبول کرلی۔
- Advertisement -
وزیراعطم اور بلاول بھٹو کے درمیان ملاقات میں زیر التوا معاملات کے حل پر بات ہوگی۔
علاوہ ازیں شہباز شریف نے ایم کیو ایم رہنما خالد مقبول صدیقی سے رابطہ کیا اور عید کی مبارک باد دی۔
شہباز شریف نے ایم کیو ایم کارکنان کو بھی عید کی مبارک باد دیتے ہوئے نیک خواہشات کا اظہار کیا، دونوں رہنماؤں میں عید کے بعد اہم حکومتی معاملات پر مشاورت کے لیے ملاقات پر اتفاق کیا۔
