دوحہ: وزیر خارجہ بلاول بھٹو قطری ہم منصب کی دعوت پر فیفا ورلڈ کپ دیکھنے قطر پہنچ گئے۔
سماجی رابطے کی ویب سائٹ ٹویٹر پر وزیر خارجہ بلاول بھٹو نے لکھا کہ ’فخر ہے پاکستان نے اس تاریخی لمحے میں مزدوروں اور سیکیورٹی فورسز کے ذریعے اپنا کردار ادا کیا ہے۔
بلاول بھٹو نے فیفا کے صدر سے کراچی کے علاقے لیاری کے فٹبال ٹیلنٹ پر بھی تبادلہ خیال کیا۔
Grateful to FM of Qatar for inviting me to #FIFAWorldCup. 🇵🇰 is proud of our partnership with our labours & security forces playing our part in this historic moment. Congratulations 🇶🇦 for making history. I also discussed Lyari’s football potential with FIFA president. pic.twitter.com/DtLbJAIlnr
— BilawalBhuttoZardari (@BBhuttoZardari) December 7, 2022
واضح رہے کہ فٹبال ورلڈ کپ میں آج اور کل آرام کا دن ہے جبکہ کوارٹر فائنل کے میچز 9 اور 10 دسمبر کو کھیلے جائیں گے۔
فیفا ورلڈ کپ کے اگلے مرحلے کے لیے دفاعی چیمپئن فرانس، سابق عالمی چمیپئن پرتگال، برازیل، ارجنٹینا کے علاوہ کروشیا، نیدر لینڈز، انگلینڈ اور مراکش نے کوالیفائی کیا ہے۔
گزشتہ روز مراکش نے اسپین کو پنالٹی ککس پر شکست دے کر پہلی بار کوارٹر فائنل میں رسائی حاصل کرتے ہوئے تاریخ رقم کی۔
مزید پڑھیں: کوارٹر فائنل لائن اپ مکمل، کون سی ٹیم کس کے مدمقابل ہوگی؟
علاوہ ازیں کوارٹر فائنل کا پہلا میچ برازیل اور کروشیا کے مابین 9 دسمبر کو کھیلا جائے گا۔ اسی روز ارجنٹینا اور نیدرلینڈز کی ٹیمیں مدمقابل آئیں گی۔
10 دسمبر کو پرتگال پہلی بار کوارٹر فائنل کھیلنے والی مراکش کا سامنا کرے گی جب کہ دوسرے میچ میں دفاعی چیمپئن فرانس اعزاز کے دفاع کیلیے انگلینڈ کے خلاف میدان میں اترے گی۔
میگا ایونٹ کے تمام میچ اے اسپورٹس اور اے آر وائی زیپ پر براہ راست دکھائے جا رہے ہیں۔
