وزیرخارجہ بلاول بھٹو کا کشتی سانحے پر یونان کے وزیر خارجہ سے ٹیلیفونک رابطہ ہوا ہے۔
ٹوئٹر پر جاری بیان میں وزیر خارجہ نے بتایا کہ یونانی ہم منصب سے ٹیلیفونک رابطے میں ساحل پر ہونیوالے کشتی حادثے پر تبادلہ خیال ہوا۔
Had a useful 📞 conversation with V.Kaskarelis FM of 🇬🇷 @GreeceMFA Discussed the tragic ferry disaster off the coast of Greece. Agreed to closely work together to facilitate Pakistanis in distress and for the identification and repatriation of retrieved bodies. pic.twitter.com/A7II22bIJ6
— BilawalBhuttoZardari (@BBhuttoZardari) June 20, 2023
بلاول بھٹو نے کہا کہ یونانی وزیرخارجہ سے مصیبت میں پھنسے پاکستانیوں کی سہولت اور برآمد شدہ لاشوں کی شناخت اور وطن واپسی کے لیے مل کر کام کرنے پر اتفاق ہوا ہے۔
یاد رہے کہ ترجمان دفتر خارجہ ممراز زہرہ بلوچ نے بتایا تھا کہ کشتی الٹنے کے حادثے میں 104 لوگوں کو بچایا گیا جس میں 12 کا تعلق پاکستان سے ہے جبکہ 2 پاکستانی اسپتال میں زیر علاج تھے۔
ان کا کہنا تھا کہ کشتی حادثے میں 79 لاشیں پانی سے نکالی جا چکی ہیں، 79 لاشوں کی شناخت کا عمل تاحال جاری ہے، متاثرہ افراد کی فیملیز سے درخواست کی ہے اپنے ڈی این اے سیمپل بھجوائیں، فیملیز کے ڈی این اے سیمپلز سے لاشوں کی شناخت ہو سکے گی۔